«Manchester Yunayted» bosh murabbiyi Joze Mourino «Atletiko» hujumchisi Antuan Grizmanning transferi haqida savolga javob berishni istamadi.
- Grizmann «Manchester Yunayted»ga o'tish yoki o'tmasligi haqida mutlaqo hech narsa bilmayman. Bu haqida Ed Vudvorddan so'rang («Manchester Yunayted» ijrochi direktori). Men mart oyidayoq unga nimani istashim, qancha istashim va kimni sotib olishni istashimni aytganman.
Endi uning ishlaydigan vaqti keldi. Bu uning vazifasi, chunki avgustda u dam olishni boshlaydi, men esa ishlashni. Hozircha bir oy futboldan dam olaman. Mavsumdan, sovrinlardan va EChLga qaytganimizdan juda mamnunman. Ammo hozir dam olishim, oilam va do'stlarim bilan vaqt o'tkazib, menga yoqadigan boshqa sport turlaridan bahra olishim lozim, - deydi Mourino.
Eslatib o'tamiz, ayni vaqtda 54 yoshli murabbiy Monakoda bo'lib turibdi. Bu erda «Formula-1» poygasi o'tkazilmoqda.
— deya xabar beradi uff.uz nashri.