Ispaniya Kubogi finalidan o'rin olgan «Barselona» – «Alaves» uchrashuvi o'z nihoyasiga etdi. Madriddagi «Visente Kalderon» stadionida kechgan bahsda 3:1 hisobi qayd etilib, kataloniyaliklarning g'alabasi bilan tugadi. «Barselona»ning shiddatli hujumlari 30-daqiqaga kelib o'z samarasini berdi, Messi Neymarning to'p uzatishidan so'ng o'yindagi hisobni ochdi. Biroq oradan uch daqiqa o'tib Teo Ernandes muvozanatni tikladi. Birinchi bo'limning so'nggi daqiqasida Neymar hisobni oshirgan bo'lsa, oradan birinchi bo'limga qo'shib berilgan daqiqalarda Pako Alkaser hisobni 3:1 ko'rinishiga keltirib qo'ydi. Shu tariqa, kataloniyaliklar ketma-ket uchinchi va o'z tarixlaridagi 29–kubokni qo'lga kiritdilar. Ularning bu boradagi eng yaqin ta'qibchilari «Atletik» (23) hisoblanadi. Ispaniya Kubogi Final Barselona – Alaves 3:1  Gollar: 1:0 – 30 Messi, 1:1 – 33 Teo, 2:1 – 45 Neymar, 3:1 – 45+3 Pako Alkaser. Barselona – Sillessen, Umtiti, Pike, Alba, Maskerano (Andre Gomesh, 11), Rakitich (Aleish Vidal, 83), Buskets, Inesta, Neymar, Messi, Pako Alkaser. Alaves – Pacheko, Eli, Feddal, Teo (Romero, 79), Vigaray, Markos Lorente, Femeniya, Manu Garsiya, Mendes (Kamarasa, 59), Ibai Gomes (Sobrino, 60), Deyverson. Ogohlantirishlar: Mendes (16), Manu Garsiya (39), Umtiti (42), Eli (49), Sobrino (76), Messi (76), Inesta (76), Deyverson (88).
— deya xabar beradi uff.uz nashri.