“Navbahor” – “Bunyodkor” uchrashuvidan keyingi matbuot anjumanining ikkinchi qismida “lochinlar” ustozi ishtirok etdi.
- Qayd etilgan durang o'yinga mos bo'ldi, deb o'ylayman. Bugun ikkala jamoa ham g'alabani ilib ketishi mumkin edi. Chunki “Bunyodkor”da ham, “Navbahor”da ham golli vaziyatlar etarlicha bo'ldi. Har bir murabbiy o'yinlardan keyin turnir jadvali va musobaqa taqvimiga ko'z yugurtiradi.
Hozirda 6-o'rindamiz. Oldinda yana uchta uchrashuvimiz bor. Agar ushbu o'yinlarda kerakli ochkolarni jamg'ara olsak, o'ylaymanki birinchi davrani kuchli beshlikda yakunlaymiz. Bugungi uchrashuvdan oldin tarkibimizda bir nechta yo'qotishlar bor edi. Endi “Neftchi”ga qarshi kubok bahsiga tayyorlanamiz. O'zbekiston kubogida ham maksimal natijani ko'zlaganmiz, - deydi Ilhom Mo'minjonov.
— deya xabar beradi uff.uz nashri.