Germaniya termasining jahon chempionatidagi olamshumul g'alabasidan so'ng, ko'pchilik nemislarning ko'hna qit'ada ham kubok sohibiga aylanishlarini kutayotgani aniq. Xo'sh, bu g'alabani ularga kimlar tuhfa etadi?
Yoaxim LEV
Ushbu mutaxassisning boshqa chempionlar tajribasini bee'tibor qoldirmasligini inobatga olsak, nemislar Evropa chempionatida g'olib bo'lishlari aniq. Frantsiyaning JCh-2002da, Braziliyaning Germaniyada, Italiyaning JARda qanday o'yin ko'rsatishgani yodimizda.
Mundial nihoyasiga etishi bilan bir avlod ketadi - g'oliblikka da'vo qiluvchi har qanday darajadagi termada qayta qurishga, eng ahamiyatli va asosli o'zgartirishlar qilishiga ehtiyoj tug'ilishi aniq-ku, axir. Buni uyda o'tkazilgan  mundial, keyinchalik esa Evro-2000dagi muvaffaqiyatdan so'ng cho'qqida anchagina ushlanib qolgan frantsuzlar, Evro-2008, JCh-2010 va Evro-2012da bu borada o'ziga xos rekord o'rnatgan ispanlar juda yaxshi tushunishadi. Ular o'shanda kadrlar masalasini o'rnida hal qilishdi, munosib murabbiy topishdi va ketma-ket zafar quchishdi. Nemislarning ham orzusi shu va ular ham g'alabalar seriyasini davom ettirishga astoydil hozirlik ko'rishmoqda. Xullas, Lev jamoani faol ravishda qayta quryapti.
Oliver BIRXOFF
Jahon chempionlari Evropada ham birinchi bo'lishlari aniq, zero ularning menejerlari ham shunga intilishadi. Bu fikr esa eng avvalo, murabbiy, shuningdek, unga yordam berayotgan odamlarga ham tegishli. Birxoff va Lev - yaqin do'st, doimo muloqotdalar. Yoaxim bahs oldidan qahva ichgancha ba'zan Oliver bilan bo'lg'usi muhim o'yinning o'ziga xos jihatlari borasida maslahatlashadi, g'alabalar to'g'risidagi orzulari to'g'risida o'rtoqlashadi. Birxoff Germaniya termasiga Lev bilan bir paytda kelgan. So'nggi 11 yilda esa hamma «Milan»ning sobiq hujumchisi ajo­yib tashkilotchi va strategga aylangan Oliverni amalda ko'rdi. Endi nemis termasi faxriylar bilan xayrlashuvni to'g'ri qabul qilishi kerak. Shunday ekan, Levning fikricha, jamoada Birxoffning o'rni oshgan, hamma unga ishonadi. Essiz, sal yoshroq bo'lganidami hujum chizig'ini ham o'zi egallarmidi.
Manuel NOYER
Germaniyaning Evropada birinchi bo'lishiga yana bir sabab - betakror darvozabonga ega ekani. Ser Aleks shundoq ham ma'lum bo'lgan narsani qayd etdi, xolos: «Mourinoning yutqazayotganiga sabab - jamoa to'p o'tkazib yubormoqda, ko'p gol qo'yib yuborilayotganining sababi esa, himoyachilarni tinchlantirib turadigan Kurtua endi yo'q». Boateng yoki Xummels - jahon miqyosidagi himoyachilar ekanligi aniq, ammo ular ham asabiylashishi va tushunilmas xatolarga yo'l qo'yishlari mumkin. Asabi temirday mustahkam Noyer esa do'stlarining salbiy tomonlarini taroziga solmoqda. Lam nafaqaga kuzatilgach, qanotlardagi o'zaro muvofiqlikni to'g'ri taqsimlashda darvozabonning o'rni yanada oshadi. «Bavariya»da «sho'xlik» qilayotgan Noyerning standart vaziyatlar chog'ida raqib jarima maydonchasiga borishiga shubha yo'q. Axir termada o'ta jiddiy bo'lishi, mas'uliyatni o'z zimmasiga olishi bosh jamoada uzoq-uzoq yillar o'ynashi shart, hatto 30 yoshda ham.
Jerom BOATENG
Nemislardagi g'oliblik ruhining saqlanib qolishiga yana bir sabab, dunyo miqyosida iqtidorlilar soni kamaymayapti. Evropadagi bir qancha qashshoq davlatlar Suriyadan oqib kelayotgan millionlab qochoqlarning uddasidan chiqayotganligidan ko'pchilik hayron qolayotgan bir paytda, Germaniya aholisining 20 mln. nafari immigrantlar yoki ularning avlodlari tashkil etadi.
Davomi InterFUTBOL gazetasi blogida.
— deya xabar beradi uff.uz nashri.