4 yoshimdan buyon stadiondaman. Otam futbolga qattiq qiziqadi va esimni tanibmanki, «Dinamo» o'yinlarini bevosita stadionda birga tomosha qilganmiz. Umuman, butun oilamiz futbolga oshufta. Deylik, o'yin kuni Jomboydan Samarqand tomon ko'plashib otlanardik - otam akam va meni etaklab olardi, amakim o'z farzandlarini... Eh-he, o'zimiz bir ko'chani to'ldirib borardik. Endi stadion atrofidagi olomonni tasavvur qilib olavering. Ayniqsa, «Neftchi», «Do'stlik» yoki «Nasaf» Samarqandga kelsa, arena oldiga yaqinlashish ham mushkulotga aylanardi. O'yin boshlanishidan 2-3 soat oldin bir amallab, tablo tagidan joy topardik... Shundan buyon ko'p suvlar oqib ketdi. Mana, bu yil qadrdon «Dinamo»miz oliy ligaga chiqdi va men o'sha bolaligimga qaytgandekman. Stadion atrofida o'sha «ajiotaj», tribunaga sig'may, ko'chada qolgan muxlislar... Yaqinda bir fikrni o'qidim, «Dinamo» yutib turgani uchun stadionga muxlis sig'mayotgan ekan. Agar 1-2 marta mag'lubiyatga uchrasa, ishqibozlar keti uzilib qolarmish. To'g'risi, bu gapga qo'shilmayman. Hattoki, biroz kulgim kel­yapti. Chunki aytganimdek, esimni stadionda taniganman. Futbolning asl muxlisi faqat bir narsa - shiddatli va toza o'yin tomosha qilishni istashini yaxshi bilaman. G'alaba ham muhim, albatta. Ammo jamoangiz chiroyli, shiddatli va hujumkor o'yin ko'rsatib, mag'lubiyatga uchrasa, undan yuz o'girarmidingiz? Shaxsan men har qanday holatda o'yinni stadionda ko'rishga harakat qilaman. Taqdir taqozosi bilan Rossiyaga borganimda ham, shu odatimni tashlaganim yo'q. Odil Ahmedov Maxachqal'aning «Anji»siga o'tganida, yurtimizda Rossiya chempionatiga qiziqish keskin oshib ketgandi. Ayni o'sha vaqt o'qish va ish yuzasidan Rossiyada edim. Agar hozir ham­yurtimiz o'yinini tomosha qilish uchun qancha zahmat chekib stadionga kirganimni aytsam, ertakdek tuyuladi. Begona yurtda tilni nechog'li yaxshi bilsangda, ko'chada erkin yurishing oson emas, baribir. Katta qiziqish uyg'otgan o'yinga tushish qay darajada murakkabligini o'zimizda ham juda yaxshi bilishadi. O'zbekiston terma jamoasi o'yiniga chipta topolmay, qiynalganlardan so'rang, hammasini batafsil so'zlab berishadi. Endi begona yurtda «Anji» va «Liverpul» o'rtasidagi o'yinni tomosha qilish uchun stadionga kirolmay, jonim halak bo'lganini tasavvur qilib olavering. Albatta, o'zimni koyitmay, uyda, televizor qarshisida ko'rib qo'yishim ham mumkin edi. Ammo yonginamda, bir necha kilometr narida bo'layotgan o'yinga bormaganim uchun o'zimni kechira olarmidim? Yo'q! Shuning uchun stadion yonidagi olib-sotarlardan 10 barobar qimmatiga chipta olib, stadionga tushdim. Eslasangiz, o'sha uchrashuvda Odil Ahmedov jarohatlangan va birinchi bo'limdayoq zaxiraga olingandi. Ammo chipta uchun ko'p pul sarflaganimdan zarracha afsuslangan emasman. Chunki Evropa darajasidagi o'yinni bevosita tomosha qilgandim. Xo'sh, bu gaplarni nima uchun aytmoqdaman? Haqiqiy muxlisning stadionga kirishi uchun hech qanday to'siq sabab bo'lolmaydi. Chipta narxi, stadion atrofidagi tiqilinch va DAVOMI InterFutbol.uz ning Telegram dagi sahifasiga ulaning – eng so'nggi yangiliklar, qiziqarli bloglar va tahliliy materiallar endi bir to'plamda.
— deya xabar beradi uff.uz nashri.