Aftidan, Kataloniya klubi “PSJ” yarim himoyachisi Marko Verrattini qo'lga kiritish uchun astoydil bel bog'lagan ko'rinadi. Hatto “Barselona” rahbariyati bu maqsadiga erishish uchun Neymardan ham voz kechmoqchi, aniqrog'i Neymarni Verrattiga almashmoqchi. Bu qaror esa muxlislar o'rtasida noroziliklarni keltirib chiqaryapti. Chunki bir qarashda Neymar Verrattidan kuchlidek ko'rinadi va “Barsa”ning qarori tushunarsizdek, biroq... “BARSA” VERRATTIGA MUHTOJ Ayni damda “Barselona”da hujum chizig'i keragidan ortiq darajada mukammal. Ayrim jamoalar bitta tuzukroq hujumchi topolmay qiynalib turgan bir paytda Kataloniya klubi naq uchta dahshatli hujumchiga ega. Messi, Suares, Neymar. Qolaversa, Pako Alkaser va boshqa hujumchilari ham bor jamoaning. Biroq ayni damda “Barselona” yarim himoya va himoya chizig'ining bo'sh o'yini sababli omadsizlikka uchradi. Qolaversa, yarim himoyada Iniestaga o'rinbosar kerak bo'ladi. Xo'sh, ayni damda ajoyib o'yin ko'rsatayotgan to'rtta yarim himoyachini sanab beringchi? Bitta Iniesta bilan Buskets “Barselona” darajasiga javob bera oladi. O'zingizga ma'lum, “Barselona” butun mavsum davomida bir nechta frontda kurash olib boradi, kuchli turnirlarda qatnashadi. Ana shunday bosimlarga javob berish uchun esa futbolchi “Barselona” darajasida bo'lishi shart. Ivan Rakitich ham yomon emas, biroq baribir yarim himoyani mukammal deb bo'lmaydi, zaxirada esa yarim himoya chizig'ini kuchaytira oladigan futbolchilarni topolmaymiz ham. Shuning uchun ham jamoa rahbariyati yosh va iqtidorli futbolchilarni xarid qilishga urinmoqda va ayni damda Marko Verratti asosiy xarid maqsadi bo'lib qolmoqda. Verrattining nimalarga qodir ekanligini bilgan “PSJ” esa undan voz kechmoqchi emas, biroq endi... Davomi
— deya xabar beradi uff.uz nashri.