“Barselona” klubi himoyachisi Xaver Maskerano “Alaves”ga (3:1) qarshi kechgan Ispaniya kubogining final o'yinida jiddiy jarohat oldi. 32 yoshli argentinalik futbolchi bahsning boshida Markos Lorente bilan to'qnashuv natijasida (boshi yorilgan joydan qon ketdi) jarohat olib, zambillarda maydonni tark etdi. Bundan tashqari, Maskerano o'ng tizzasini shikastlab olgani ma'lum bo'ldi. Tiklanish jarayoni 6 haftani tashkil qiladi. Shu tariqa, Maskerano Argentina termasining Braziliya (9 iyun) va Singapurga (13 iyun) qarshi kechadigan o'rtoqlik uchrashuvlarini o'tkazib yuboradi.
— deya xabar beradi uff.uz nashri.