"Roma" klubi hujumchisi Franchesko Totti faoliyatini tugatgani haqida yakuniy nutq so'zladi.
"Afsuski, xayrlashish payti keldi. Men uni kelmasligini juda istagandim. Oxirgi kunlarda mening sha'nimga iliq so'zlar bo'ldi. O'zim esa, telbalarcha yig'ladim. 25 yilni unutib bo'lmaydi.
Garchi, bu so'zlarni aytish menga qiyin bo'layotgan bo'lsada, barchaga minnatdorchilik bildiraman. Onamga, otamga, oilam va do'stlarimga. Ayolim va uch nafar farzandlarimga rahmat.
Shuncha payt davomida intervyular bermaganimga uzr so'rayman. Chunki, chiroqni o'chirish oson emasdi. Endi bo'lsa qo'rqib ketyapman. Bu darvozaga penalti tepish oldidagi qo'rqinch emas. Shunchaki, endi futbol o'ynamasligimdan qo'rqyapman.
Hozir men sizlarning mehringizga muhtojman. Jamoadoshlarim, murabbiylar, klub rahbariyati, muxlislar va Janubiy sektorga rahmat demoqchiman. Men 28 yil davomida "Roma" bilan bo'ldim va bundan baxtli hamda mag'rurman. U tushdek edi va boshqa qaytmaydi.
Men barchangizni sevaman", - dedi Totti.
— deya xabar beradi uff.uz nashri.