Shu yilning 1–5 iyun kunlari Toshkent shahrida 2002 yilda tavallud topgan va undan kichik bo'lgan futbolchilar o'rtasida xalqaro turnir bo'lib o'tadi.
Dilshod Nuraliev bosh murabbiyligidagi jamoa Belarus, Yaponiya va Polsha o'smirlariga qarshi bahs olib boradi. Turnir boshlanishidan avval 31 may, chorshanba kuni O'FF binosida matbuot anjumani bo'lib o'tadi. Mazkur anjumanga barcha OAV vakillari tashrif buyurishi mumkin.
Musobaqaning asosiy qismi “JAR” stadionida bo'lib o'tadi. Faqatgina 1 va 3 iyun kunlari 18:00 da boshlanadigan uchrashuvlar “Paxtakor” stadionida o'tkaziladi. Musobaqa taqvimi bilan quyida tanishish mumkin.
1 iyun, payshanba
10:00     O'zbekiston U-15 — Yaponiya U-15
18:00     Belarus U-15 — Polsha U-15
3 iyun, shanba
10:00     Belarus U-15 — Yaponiya U-15
18:00     O'zbekiston U-15 — Polsha U-15
5 iyun, dushanba
10:00     Polsha U-15 — Yaponiya U-15
18:00     O'zbekiston U-15 — Belarus U-15
Ushbu musobaqa O'zbekiston o'smirlar termasi uchun 2018 yilgi U-16 Osiyo chempionatiga saralash bosqichiga tayyorgarlik vazifasini o'taydi. Saralash o'yinlari shu yilning 16–24 sentyabr kunlari Saudiya Arabistonida bo'lib o'tadi.
— deya xabar beradi uff.uz nashri.