Yaqinda Eronning Xamadan shahrida kutilmaganda shov-shuv ko'tarildi. Ko'chalar bo'ylab "Barselona"ning 10-raqamli libosida Leo Messining aynan nushasi yura boshladi. Uning ortidan odamlar yugurishdi, chopishdi, rasmga tushishdi, dasxat olish.
Ushbu "yulduz"ning qarqara bo'lishiga 8 may kuni barham berildi. Politsiya mahkamasiga 25 yoshli talaba Rizo Parastesh olib kelindi. Kamiga bechora Rizoning mashinasini ham olib qo'yishdi. Uning umuman aybi yo'q edi, shunchaki u Messiga judayam o'xshab ketardi. Uning atrofida odamlar telbaga aylana boshlashdi.
Ma'lum bo'lishicha, Messiga o'xshashlik g'oyasi Rizoning otasidan chiqqan ekan. Hammasi unga Messining futbolkasi sovg'a qilingan keyin boshlandi. Rizo soch turmagini ham aynan "Barsa" yulduzidek qilishni o'rganib oldi. Unga har tomonlama taqlid qiladigan bo'ldi.
"Odamlar meni darhaqiqat Messi deb o'ylashdi. Biron joyda paydo bo'lsam haqiqiy shok vaziyat sodir bo'lardi", - deydi Rizo.
Hozirgi paytda Parasteshning har kungi ish jadvali soatma-soat belgilab qo'yilgan. U endi judayam mashhur inson. Goh matbuot-anjumanida ishtirok etadi, goh katta tadbirlarga keladi. Xullas qo'li-qo'liga tegmayapti. Mana man degan boshqa eronlik san'atkor-yulduzlarni orta qoldirdi.
— deya xabar beradi uff.uz nashri.