Bugungi kun futbolida chiroyli o'yini orqali muxlislar e'tiborini qozonayotgan futbolchilar istagancha topiladi. Bunday o'yinchilar o'zlarining jozibador harakatlari bilan futbolning chinakam bezagiga aylanishadi. Xo'sh, bugungi kunda Zidandek ajoyib harakat qila oladigan futbolchilar sifatida kimlarni tan olish mumkin? Quyida shu haqda so'z yuritamiz. 5. Krishtianu Ronaldu. Ajablanmang, portugaliyalik yulduz o'z driblinglari bilan allaqachon muxlislar e'tiboriga tushgan. Ilgari “Manchester Yunayted”da to'p surgan o'sha Ronalduni eslang. O'shanda Krishtianu raqiblarini juda tez va chiroyli harakatlari bilan dog'da qoldirib ketardi. Keyinchalik “Real”da ham bunday zargarona o'yinlari bilan madridliklar mehrini ham qozondi. Ayni damda esa Ronaldu bu borada unchalik ham maqtana olmaydi, ammo bu uning aybi emas, shunchaki vaqt o'z so'zini aytyapti. 4. Anxel Di Mariya. Argentinalik futbolchi qaerda o'ynamasin, tezkor harakatlari bilan ajralib turgan. O'zining eng gullagan davri “Real”da o'ynaganida raqiblari uni faqat qo'pollik qilish bilan to'xtata olishardi, xolos. Aynan uning sa'y-harakatlari evaziga Ronaldu juda ko'plab gollar urgan, “Real” yutuqlarga erishgan. Di Mariya hozirda ham “PSJ”da chiroyli o'yin ko'rsatyapti, imkon berilganda, albatta. 3. Azar. Eden Azarning driblingiga havas qilsa arziydi. Antonio Kontening almashtirib bo'lmas o'yinchisiga aylanib ulgurgan belgiyalik futbolchi raqiblarini juda osonlik bilan aldab keta oladi. Biz haligacha o'tgan mavsumlardan birida Azarning “MYu” himoyasini yorib o'tib kiritgan golini yaxshi eslaymiz. Edenning eng sevimli uslubi oddiy — markazdan raqib jarima maydonchasiga yorib kirishni yaxshi ko'radi. Agar u bu ishga jiddiy kirishsa, raqiblarning uni qanday qilib yiqitish haqida o'ylay boshlashlari aniq. Davomi
— deya xabar beradi uff.uz nashri.