Belgiya va Ispaniya terma jamoalari o'rtasidagi o'rtoqlik uchrashuvi bekor qilindi. Bunga terrorizm xavfi yuqoriligi sabab bo'lgan. Belgiya futbol federatsiyasi o'yin bekor qilinganini rasman tasdiqlagan. «Bizga bu o'yinni terrorizm xavfi yuqori bo'lgani uchun bekor qilishni maslahat berishdi. Biz futbolchilar va tomoshabinlar xavfsizligi bilan tavakkal qila olmaymiz», – deb bayonot bergan Belgiya futbol federatsiyasi. Eslatib o'tamiz, Belgiya – Ispaniya o'yini bugun tunda, Toshkent vaqti bilan 00.45 da bo'lib o'tishi kerak edi.
— deya xabar beradi uff.uz nashri.