Tezkor “Napoli”, goleador Andrea Belotti va yarqirayotgan “Inter”. Bularning hammasi “Yuventus” soyasiga qolib ketmoqda. Italiya chempionati monarxiyaga aylanmoqda. “Keksa sinyora” shafqatsizlarcha chempionatni boshqarmoqda. Italiya chempionligi, Italiya kubogi g'olibligi — bularning hammasi “Yuventus”ning yana bir ustunligidan dalolatdir. “Roma” va “Napoli”ning skudettoga egalik qilishiga hech kim ishonmasa kerak. O'z maydonidagi g'alabalar jamoa iqtisodiyotiga ham ta'sir ko'rsatgan. Bu haqda rahbariyatning o'zi aytib o'tdi. Ularning aytishicha, turinliklarning aksiyasi Chempionlar ligasi yarim finaliga chiqqanlaridan so'ng 35 foizga ko'tarilgan. Chorak finalning javob uchrashuvidan so'ng 12 foizga ko'tarildi. Endilikda “Yuve”ning bir dona aksiyasi 0.73 evroga to'g'ri keladi. “Forbes” jurnali taxminiga ko'ra, turin klubining narxi 1,15 mlrd evroga ko'tarilib ketgan. Endilikda “Yuve” o'z etakchilarini qay tarzda ushlab qolishni o'ylab topgan. Jamoa etakchisi Paolo Dibala bilan 2021-yilgacha shartnomani uzaytirishdi. Massimiliano Allegrining ketishi haqidagi mish-mishlar asta-sekin yo'qolib bormoqda. “Yuventus Stedium”dagi muxlislar tezroq Allegrining yangi shartnomaga imzo qo'yishini so'rashmoqda. Hozirgi etakchilarning birontasini sotish niyatlari yo'q. Shuning uchun ham har bir futbolchi uchun katta narx so'rashyapti. Masalan, Leonardo Bonuchchi uchun “Manchester Siti”dan 60 mln evro talab qilishyapti.  “Tan olish kerak, Davomi
— deya xabar beradi uff.uz nashri.