Rossiyada tashkil etilgan professional boks kechasida ikki nafar o'zbekistonlik charm qo'lqop ustasi ham reyting janglarini o'tkazdi.
Ikki yildan buyon professional ringda jang o'tkazayotgan 19 yoshli bokschimiz Abbos Mahammatyo'ldoshev ketma-ket to'rt mag'lubiyatdan so'ng nihoyat  dastlabki g'alabasini nishonladi.
Abbos beshinchi jangida rossiyalik Aleksandr Kyumchidi bilan raqobatlashdi. To'rt raundlik reyting jangi keskin va murosasiz kurashlar ostida o'tdi. Raqibiga nisbatan aniq zarbalarni ko'p bergan o'zbekistonlik charm qo'lqop ustasi g'alabaga  erishdi.   Bu rossiyalik bokschining ilk mag'lubiyati bo'ldi.  
Yana bir bokschimiz Sharobiddin Jo'raxonov armanistonlik Aram Avagyanga qarshi o'tkazilgan jangda ochkolar hisobda yutqazdi.
— deya xabar beradi uff.uz nashri.