O'zbekiston Kubogining 1/8 final bosqichidan o'rin olgan “Metallurg” – “Qo'qon” uchrashuvi yakuniga etdi. Unda Bekobodning “Metallurg” klubi 3:2 hisobida  g'alaba qozongan bo'lsada, dastlabki uchrashuv natijasiga ko'ra keyingi bosqich yo'llanmasidan quruq qoldi. Mezbonlar uchrashuvda ilk golni kiritishdi, 61 daqiqada Darko Gojkovich hisobni 1:1 ko'rinishiga olib keldi. Nosir Otaqo'ziev esa 73 daqiqada hisobni "Qo'qon-1912" tomoniga og'dirdi. Ammo Doston Tursunovning 82 va 89 daqiqalarda penaltidan kiritgan ikkita goli "Metallurg"ga g'alaba olib keldi. Lekin "Qo'qon-1912" dastlabki uchrashuv natijasiga ko'ra, keyingi bosqichga yo'llanmani qo'lga kiritdi. O'zbekiston Kubogi 1/8 final “Metallurg” – “Qo'qon-1912” 3:2  Gol: Timur Usmonov (24), Doston Tursunov (82, penalti), Doston Tursunov (89, penalti) - Darko Gojkovich (61), Nosir Otaqo'ziev (73). "Metallurg": Zafar Safoev, Doniyor Adilov, Farhod Namozov, Sanjar Qodirqulov, Zohid Abdullaev (Zuhrillo Boboev, 46), Dostonbek Tursunov, Kamronbey Kapadze, Muhammadjon Qahramonov, Abrorbek Toshqo'ziev, Doniyor Ismoilov (Umid Rahimov, 72), Timur Usmonov. "Qo'qon-1912": Muzaffar Abdullaev, Bahodir Akramov, Jalil Kimsanov, Sobir Hamidov, Andrey Sidorov (Nosir Otaqo'ziev, 58), Avazxon Mamatxo'jaev (Filip Rayevats 46), Suhrob Berdiev, Darko Gojkovich, Murod Xolmuhammedov, Muhammadanas Hasanov, Oybek Rustamov.  Dastlabki uchrashuv: 0:2 
— deya xabar beradi uff.uz nashri.