«Real» klubining o'tmishdagi mashhur darvozaboni Bodo Illgner madridliklar klubi borasidagi bir nechta savollarga javob berdi. Hozirgi «Yuventus»ning 1998 yildagisi bilan farqi «Hozirgi «Yuventus» yaxshimi yoki biz bilan 1998 yilda to'qnash kelganimi, buni aytish qiyin. O'sha payt ularda Zidan va Del Perolar harakat qilardi, ammo bugungi jamoada ham kuchli futbolchilar ko'p». Zinedin Zidan va Guti haqida «Zidan meni xuddi o'z vaqtidagi Yurgen Klinsmanndek hayron qoldirmoqda. Men ularni bunday yuksak darajadagi murabbiy bo'lib etishishlarini ochig'i kutmagan edim. Bir vaqtlar Zidan bilan ko'rishagnimda u menga kamtar insondek ko'ringandi, ammo hozir u jamoani ishonch bilan boshqarmoqda. O'zingiz qarang futbolchilar mavsum so'nggida qanday jangovar formadalar, endi esa o'tgan mavsumlarda qanday charchab qolganliklarini eslang. Zidan va Guti o'z ishlarini qoyilmaqom qilib bajarmoqdalar. Ko'pchilik buni kutmagan edi, ammo ular haqiqatda professional darajada o'sdilar». EChL finalida kim maydonga tushgani ma'qul, Isko yoki Beyl? «Asosiy tarkibda Isko maydonga tushishi kerak va bu borasida menda hech qanday shubha yo'q. U juda yaxshi harakat qilmoqda». Darvozabonlar borasida ««Real»ga o'ziga ishongan darvozabon kerak, darvozabon ishonchi esa – bu murabbiy ishi va jamoadir. Agar klub boshqa darvozabon bilan muzokara olib borar ekan, o'sha jamoa darvozasini qo'riqlaydigan posbon xoh u Kasilyas bo'lsin, xoh De Xea yoki Keylor Navas bor mahorati bilan o'ynay olmaydi. «Madrid» De Xeani qo'lga kiritishi mumkin, biroq uning mahoratiga ham shubha qilsalar, u ham oldingidek yaxshi o'ynay olmaydi. Shunday ekan, «Real»ga De Xea kerak emas, «Madrid» Keylor Navasga ishonishi kerak. Kasilyas va Diego Lopes holatini eslang, o'shanda muxlislar ikkiga bo'lingandilar va bunday vaziyatda darvozabon 100 % mahoratini ko'rsata olmaydi». Dunyoning eng yaxshi darvozaboni haqida «Men uchun birinchi raqamli darvozabon – bu Noyer. Shuningdek, menga Kurtua va De Xea ham yoqadi: ularning birini ajratib ko'rsata olmayman».
— deya xabar beradi uff.uz nashri.