“Bunyodkor” – “Sho'rtan” uchrashuvidan keyingi matbuot anjumanining birinchi qismida g'uzorliklar ustozi ishtirok etdi.
- Avvalambor barchamiz uchun ustoz – Yuriy Vazgenovich Sarkisyanni qutlug' 70 yoshi bilan “Sho'rtan” klubi nomidan tabriklayman. O'yinga keladigan bo'lsak, unda “Bunyodkor” ustunlik qildi. Biz bundan uch kun ilgari “Olmaliq” bilan og'ir uchrashuv o'tkazgan edik.
O'sha o'yindagi charchoq alomatlari sezildi, deb o'ylayman. Qolaversa, “Bunyodkor”dagi yoshlar shijoati yaqqol sezildi va raqibimizning o'yinga tayyorgarligi yaxshi olib borilganligi yaqqol bilinib qoldi. Igor Taran sekin-asta mashg'ulotlarga qaytdi va tez orada asosiy tarkibdan joy oladi. Ikkinchi davradan yoshlar tarkibida to'p tepayotgan yigitlarga ham e'tibor qaratamiz. Asror Aliqulov ustozlik qilayotgan o'rinbosarlarimiz musobaqa jadvalida etakchilik qilishmoqda.
Davralar oralig'ida ularga ham alohida e'tibor qaratamiz. So'nggi o'yinlarda shunga amin bo'lyapmanki, tarkibimizdagi yigitlarimizning ruhiy holati yaxshi emas, - deydi Ixtiyor Tog'aevich.
— deya xabar beradi uff.uz nashri.