Mana, KXDR bilan o'yin ham ortda qoldi. Undagi hissiyotlar ham ancha sovugandek. MTJ ushbu o'yinda Babayan qo'l ostidagi eng yaxshi uchrashuvini o'tkazdi deb bemalol ayta olaman. Ishqilib, eng yaxshi uchrashuvimiz shu bo'lib qolmasin. Men o'yindagi ayrim epizodlarni tahlil qildim. Demak, bir chekkadan boshladik.
Gol o'tkazib yuborilgan vaziyat
Bu vaziyatda Islom To'xtaxo'jaev noto'g'ri pozitsiya tanlagan EDI. Qanot himoyasiga javob beradigan bu himoyachini turgan joyiga e'tibor bering. Raqibning birgina qanotga oshiriladigan pasi Islomni o'yindan tashqari holatga chiqarib yuborardi va buni amalda ko'rsatishdi ham.
Bu vaziyatda Islom raqibning qanot o'yinchisini “yopishi” va KXDRning pas berayotgan o'yinchisini Aziz Haydarov “kutvolishi” kerak edi. To'xtaxo'jaev va Haydarovning noto'g'ri joy tanlab olishlari natijasida raqibning oddiy ko'ringan bu xujumi ancha xavfli ko'rinish oldi. Himoyamizning 3 vakiliga e'tibor qaratinglar. Ular nimani kuzatishayotgani haliyam jumboq. KXDRning 3 ta xujum vakiliga birgina Denisov qolgandi.
1-rasm Endi keyingi vaziyatga qaranglar. Xujumni davom ettirilishi. To'p oshirilayotgan paytdagi holat. Bu vaziyatda To'xtaxo'jaev va Krimets “passiv” holatga tushib bo'lgandilar. Berilayotgan pasni bartaraf etishga faqatgina Anzur Ismoilov yaqin edi. Gol urgan o'yinchiga nisbatan kamida 1-2 metr oldinda edi Anzur. Afsuski Anzur ham bu xujumni etarli darajada “o'qiy olmadi” 2-rasm Gol bo'lgan vaziyat
Bu holatda himoyachilarimiz hech narsa qila olishmaganini yuqoridagi rasmlar orqali ko'rdik. Men diqqatinglarni Lobanov turgan joyga qaratmoqchiman. Sasha bu erda kerakli pozitsiyani tanlay olmagan. Darvozabonni noto'g'ri pozitsiya tanlaganini KXDR xujumchisi o'z vaqtida payqagan  va to'pni Lobanov “kattaa qilib ochib qo'ygan” burchakka yo'naltirdi. Va tabiiyki Lobanov bu erda tomoshabin vazifasini a'lo darajada bajarib berdi.
Qo'lida fotoappati bo'lganida rasmga olishga ham ulgurardi )) 3-rasm Jamoamiz tashkil qilgan xujumlar
Sardor Rashidov ikki himoyachi orasidan Sergeevga pas berdi (1-rasm). Sergeev bu pasni Sardorni yo'liga chiroyli qilib to'g'rilab qo'ysa bo'lgani edi (2-rasm). Igor esa buni o'rniga to'p bilan “o'z o'qi” atrofida o'ralashib qoldi (3-rasm). “O'z o'qi” atrofidan chiqib ketgan Sergeev soniyaning qandaydir ulushi muddatida Rashidov zarba beradigan joydan darvozaga o'zi zarba bermoqda (4-rasm). O'sha paytda buni “Sergeeevdagi xujumchilarga xos egoistlilik kuchlilik qildi” deb aytib o'tdi sharhlovchi Davron Fayziev. Balki shunaqadir. Lekin bu vaziyatda Sergeev jamoadan ko'ra o'zini ko'proq o'yladi. Zarba berish uchun o'zidan ko'ra Rashidov qulay vaziyat va holatda edi. Buni u his qila olmadi 1-rasm 2-rasm 3-rasm 4-rasm Endi keyingi hujumga e'tibor qaratamiz. Jeparov Bikmaevni qanot bo'ylab tezlik olayotganini o'z vaqtida payqadi va pasniyam ideal holatda etkazib berdi (1-rasm) Maratga pas berganini ko'rgan Sergeev etarli darajada tez fikrlay olmadi. Bu erda Bikmaev va Sergeev o'zaro bir-birini tushunishmadi. Men bu vaziyatda Sergeevni aybladim. Sababi, Igor xujum rivojlanayotganini ko'rdi va kerakli pozitsiyaga himoyachini chalg'itgan holda chiqa olmadi. Bu erda Sergeev sariq rangda belgilab qo'yilgan joylarda bo'lishi kerak edi. Xujumchilarga xos bo'lgan egoistlik kuchlilik qilgan bu Sergeevda o'sha vaziyatda golni his qilish qobiliyati “ishlamay” qoldi. 1-taymdagi yaqqol golli hujumimiz shu edi va bu hujum  gol bilan yakunlanishi lozim edi 31-rasm 32-rasm 33-rasm Qisqacha tahlillar shulardan iborat edi. Umid qilamanki, bu vaziyatlni Samvel Babayan ham ko'rgan va ijrochilarga kerakli ko'rsatmalarni ham bergan. Ertaga Doxada bo'ladigan o'yinda jamoamiz bu kabi xatolarga yo'l qo'ymaydi va Doxadan g'alaba bilan qaytib kelishadi. Zero. Termamiz tarixidagi eng kuchli tarkibli jamoamiz Yaman kabi termalarni yutishi lozim va lobud. Olg'a O'zbekiston! 2018 yilgi Jahon chempionati Bizsiz o'tmaydi Xudo hohlasa! Farrux MARUPOV
— deya xabar beradi uff.uz nashri.