Buxoroning “Buxoro” futbol klubi murabbiylari va futbolchilari 2015 yilgi paxta yig'im-terimi jarayonida bevosita ishtirok etishdi.
Hammaga ma'lum-ki, milliy chempionatimizda 24-turdan so'ng tanafus yuzaga keldi. Bu tanafus O'zbekiston milliy terma jamoasining Bahraynga qarshi JCh-2018 va Osiyo kubogi-2019 saralash bosqichi doirasidagi uchrashuvi munosabati bilan vujudga kelgan.
Jamoamiz navbatdagi turga tayyorgarlikni poytaxtda davom ettirishmoqda. Bugungi kunga kelib, mamlakatimizda paxta yig'im-terimi avjiga chiqqan. Tanafusdan foydalangan holda “Buxoro” PFK ham ushbu yig'im-terimida bevosita ishtirok etdi. Toshkent viloyati, O'rta-Chirchiq tumaniga qarashli paxta dalalaridan birida klub xodimlari, futbolchilar va murabbiylar dala zahmatkashlariga yordam berishdi. Dalada sport sohasidagilar va qishloq xo'jaligi xodimlari yonma-yon paxta terishdi va Davlatimiz paxta xirmoniga o'z ulushlarini qo'shishdi.
— deya xabar beradi uff.uz nashri.