O'zbekiston terma jamoasi va “Lokomotiv” klubi sobiq bosh murabbiyi Vadim Abramov yaqin kunlarda Farg'onaning “Neftchi” jamoasi bilan shartnoma imzolaydi. Klub matbuot kotibining xabariga ko'ra, kecha, 31 may kuni Abramov O'zbekiston kubogi nimchorakfinalidan o'rin olgan “Navbahor” – “Neftchi” (2:1) bahsiga tashrif buyurib, jamoa rahbariyati bilan birga uchrashuvni kuzatgan. Rasmiy ma'lumotlarga ko'ra, Abramov yaqin kunlarda rasman "Neftchi" bosh murabbiyi etib tayinlanadi. Ma'lumot uchun, Vadim Abramov 1991-1992 yillarda “Neftchi” klubida bosh murabbiy yordamchisi sifatida faoliyat olib borgan. Abramovning so'nggi ish joyi (2014-2015) esa Toshkentning “Lokomotiv” jamoasi bo'lgan. (2014-2015).  Akmalxon Eshonxonov
— deya xabar beradi uff.uz nashri.