Frantsiya terma jamoasining sobiq futbolchisi Kristof Dyugarri yaqinda "Roma"dagi uzoq yillik faoliyatiga nuqta qo'ygan Franchesko Tottini afsonalar qatoriga qo'sha olmasligini ta'kidladi. "Tottini afsonaviy futbolchilar bilan bir safga qo'ya olmayman. Agar u kuchli o'yinchi bo'lganida, "Roma" bitta sovrindan ko'prog'ini yutmgan bo'lardi. Afsonalar ko'proq sovringa ega bo'ladilar. Albatta, hozir "Roma" tarixidagi eng yang kuchli o'yinchi haqida gapiryapmiz. Ammo uni eng yaxshilar qatoriga qo'ya olmayman. To'g'ri, Totti jahon chempioni bo'lgan, ammo o'sha tarkibdagi hal qiluvchi ahamiyatga ega futbolchi emasdi va maydonda ham ko'p ko'rinish bermagan. U "Roma"dan ketishni istamagan, balki qiziqroq taklif bo'lmagandir" - deydi Dyugari.
— deya xabar beradi uff.uz nashri.