Bugungi kunning eng muhim xabarlaridan biri Vadim Abramovning “Neftchi” bosh murabbiyi etib tayinlangani bo'ldi. Ochig'i, so'nggi paytlarda o'yini unchalik o'xshamayotgan vodiy klubi uchun bu yaxshi yangilik. Har holda Vadim Abramov shunchaki kursisini isitib o'tiradigan murabbiylar sirasiga kirmaydi. Axir uning boshqaruvida O'zbekiston milliy terma jamoasi qanday o'yin ko'rsatganini eslang. Ehtimol, o'sha paytda Abramovning taktikasi natija keltirmagani uchun bizga ma'qul kelmagandir, ammo hozir Abramov boshqaruvidagi terma jamoamizni odam sog'inib qoldi. Ha, Vadim Abramov o'z imzosiga ega bo'lgan murabbiy ekanligini isbotlagandi o'shanda. MAS'ULIYaTI OG'IR “Neftchi” shunchaki Oliy ligada vaqt o'tkazish uchun o'ynab ketadigan jamoa emas. Farg'ona klubi o'zining shonli tarixiga ega, bir paytlar “Neftchi” istalgan jamoani zir titratardi. Bugun esa o'rtamiyona jamoaga aylanib qoldi. Xo'sh, Vadim Karleonevich jamoani oldingi darajaga qaytara oladimi? Bu juda qiyin. Biroq, bizning fikrimizcha, agar hamma narsa Abramovning ixtiyoriga qo'yib berilsa va u chin dildan ishlasa, “Neftchi”ni yuqori o'rinlarga olib chiqa oladi. Buning uchun unda tajriba etarli. Vadim Abramov hujumkorlikni xush ko'radi, qolaversa, kuchli jamoalarga qarshi qanday o'ynashni ham biladi. Agar adashmasam, Yaponiya terma jamoasini aynan Abramov bosh murabbiyligi davrida kichik hisobda mag'lub etgandik. Eronu Koreyalarni olib borib, olib kelardik. Terma jamoamizning o'yinida shiddat, shijoat, aqlli taktika bor edi. Agar Abramov xuddi shu tajribasini “Neftchi”da ham qo'llay olsa, albatta, maqsadiga erishadi.
TAJRIBALI MURABBIY KO'PAYaDI
Oliy ligada, bundoq e'tibor qaratsak, tajribali murabbiylar kam ekan. Hatto ba'zi murabbiylarning qanday qilib jamoa boshqarib yurganiga hayron qolasan. Ana shunday vaziyatda o'zbek futboliga Abramovga o'xshagan murabbiyni qaytarishimiz kerak. Biz Abramovdan daho yasash fikridan yiroqmiz, shunchaki uning salohiyati, tajribasi Oliy ligamizdagi murabbiylarnikiga qaraganda yaxshiroq. Angliya chempionati nima uchun keskin? Davomi
— deya xabar beradi uff.uz nashri.