"Manchester Yunayted" klubi hujumchisi Zlatan Ibrohimovich tizzisidan olgan jiddiy jarohatdan keyin engil mashg'ulotlarga qaytdi. Bu haqida uning o'zi Instagram sahifasida ma'lum qildi.
Ibrohimovich sekin-asta yugurish va to'p bilan muomala qilishni boshlab yuborgan.
Eslatib o'tamiz, 34 yoshli Shvetsiya afsonasi "Anderlext"ga qarshi Evropa Ligasining chorak finalida jarohat olgandi. May oylarining boshida u Pittsburg shahrida operatsiya qilindi. Shifokorlarning taxmini bo'yicha u 2017 yilning oxirigacha maydonga tusha olmaydi.
— deya xabar beradi uff.uz nashri.