Yaqinda internet nashrlarida bir paytlar “Nasaf”ni cho'qqiga olib chiqqan murabbiy — Anatoliy Demyanenko bilan intervyu chop etildi va unda murabbiy yurtimizga qaytish taklifini jon-jon deb qabul qilishini aytdi. Ya'ni, o'ziga qolsa, u O'zbekistonga qaytadi. Shak-shubhasiz, darrov muxlislarda bir savol tug'ilishi tabiiy — xo'sh, Demyanenkoni yana “Nasaf”ga taklif qilish kerakmi, yo'qmi? “Nasaf” uchun qaysi variant ma'qulroq — Berdievmi yoki Demyanenko?
Shaxsan men Ro'ziqul Berdievning Arsen Vengerga o'xshatgan bo'lardim. Vengerning “Arsenal”ga ko'p mehnati singgan, u klubning ramziy timsoliga aylangan, ammo uning boshqaruvida “Arsenal” bir xil o'yin ko'rsatgan, katta yutuqlarga ham erishmagan, pastga ham sho'ng'ib ketmagan. Masalan, “Arsenal”ning EChL g'olibi bo'lganini yoki Angliya premer-ligasida chempionga aylanganini eslay olmasangiz kerak. Ro'ziqul Berdiev ham xuddi shunday. U “Nasaf”ning tirik ramziga aylangan, biroq uning boshqaruvida Qarshi klubi hali O'zbekiston chempioni bo'lgani yo'q, OChLda esa maqtashga arzigulik natija ko'rsatmayapti, milliy chempionatda nuqul uchinchi va nari borsa ikkinchi o'rin bilan kifoyalanmoqda. Bundan kelib chiqadiki, nimanidir o'zgartirish kerak, ehtimol, o'sha “nimadir” bu Ro'ziqul Berdievdir. Har holda ayni paytda “Nasaf”ning sovrinlar uchun kurashadigan payti, to'g'ri, Ro'ziqul Berdiev yomon murabbiy emas, biroq ayni damda jamoa yangi cho'qqilarni zabt etishi lozim.
UNDA “NASAF”NING DNKSI BOR
Internet nashrlarida Zidanning “Menda “Real”ning DNKsi bor”, degan gapi ommalashib ketdi. Zidan g'alabalarini shu gapi bilan izohladi. Bizningcha, Demyanenkodayam “Nasaf”ning DNKsi bor, u bejizga Qarshi jamoasi bilan OFK g'olibiga aylanmadi. U klubga g'oliblik ruhini singdira oldi, esingizdami “Nasaf”ning raqiblarini yirik hisobda mag'lub etganlari? Esingizdami jamoaning bir yoki ikkita gol bilan kifoyalanib qolmasdan, yana va yana hujum uyushtirganlari? Ehtimol, “Bu OFK, undagi raqiblar ham kuchsiz bo'ladi”, dersiz. Ammo, ishoning, Demyanenko boshqaruvi ostida “Nasaf” OChLda hozirgidan yaxshiroq o'yin ko'rsata oladi. Buning uchun, avvalo, Anatoliyni Qarshiga chaqirish kerak. Davomi
— deya xabar beradi uff.uz nashri.