«Real» klubi himoyachisi Marselo EChL finali doirasida «Yuventus»ga qarshi kechadigan uchrashuv oldidan o'z fikrlari bilan o'rtoqlashdi. «Bu Chempionlar ligasi finali va «Yuventus» bor mahoratini ko'rsatishga harakat qiladi. Biz bor diqqatimizni o'yinga qaratganmiz. Bu erga nima uchun kelganimizni juda yaxshi anglab turibmiz, shunday ekan bizni hech narsa chalg'ita olmaydi. Biz bu erga «Real»ni himoya qilish uchun keldik va ertangi o'yinda bor kuchimizni maydonga tashlaymiz. O'ylaymanki, ikki haftalik tanaffus bizning foydamizga ishladi. Chempionatdagi g'alabani osonlikcha qo'lga kiritmadik va nafas rostlab olish muhim masala edi. O'ylaymanki, «Yuventus»ga qarshi o'yinda bizda muammo bo'lmaydi. Biz ertaga nima qilishimiz kerakligini bilamiz», — deydi Marselo.
— deya xabar beradi uff.uz nashri.