Turinning “Yuventus” klubi darvozaboni Janluiji Buffon Krishtianu Ronaldu haqida gapirib o'tdi. Mashhur darvozabon Ronalduni barcha futbolchilar uchun haqiqiy o'rnak olsa bo'ladigan inson deb ta'riflamoqda. Shu bilan birga Buffon jamoadoshi Dani Alves haqida ham gapirib o'tgan. “Ronaldu – hammamiz uchun o'rnak. Men 39 yoshimda o'rganadigan narsam qolmasa kerak deb o'ylardim, xato o'ylagan ekanman. Alvesni misol qilsam ham bo'ladi. Dani bilan muloqotda bo'lib, men ko'p narsani o'rgandim. Dani va Ronaldu kabi futbolchilar ko'plab sovrinlarni qo'lga kiritishgan va o'zlarini yo'qotib qo'yishmagan. Bu katta hurmatga sazovor jihat hisoblanadi. Bunday futbolchilar bilan yonma-yon bo'lish juda yoqimli va ulardan ko'p narsalarni o'rgansa bo'ladi. 
— deya xabar beradi uff.uz nashri.