Rossiya yoshlar termasi yurtimizda mehmon bo'lib, vakillarimizga qarshi maydonga tushdi. Ta'kidlash lozim, bu oddiy o'yin emasdi. Ammo raqib ancha kuchli va uning safida hozirdanoq ko'zga ko'rinib qolgan futbolchilar etarlicha bo'lsada, uchrashuv biz uchun u qadar qiziq kechmadi. Aniqrog'i, katta ajiotaj kuzatilmadi, yoshlarimiz ham biz istagandek qo'llab-quvvatlangani yo'q. Nima uchun? Buning endi sabablari etarli. Birinchidan, o'sha kuni oliy ligada navbatdagi tur bahslari bo'lib o'tdi va asosiy e'tibor ichki birinchilikka qaratilishi turgan gap edi. Har qanday o'zini hurmat qiladigan chempionat bunday o'yin tufayli nazardan chetda qolmasligi lozim. Elitamizning esa, yaxshi bilamizki, har holda qadri bitta o'rtoqlik uchrashuvi darajasiga tushib qolmagan. Bunaqasini o'zimizga ep ko'rolmaymiz. Qolaversa, terma jamoa asosini tashkil etishi ko'zda tutilgan futbolchilar ham o'z klublarida band bo'lishdi. «Paxtakor» imkon qadar kelasi mavsum OChLda qatnashishni ta'minlashga urinmoqda, «Nasaf» kuchli uchlik, «Bunyodkor» esa kuchli o'nlik uchun kurashmoqda. Termaning asosiy futbolchilari mana shu klublarda o'ynashini inobatga olsak, O'zbekiston yoshlar jamoasi uchun bu uchrashuvning ahamiyati ancha susayishi oldindan kutilgan holat edi. Boz ustiga, bahs Olmaliqda - e'tibordan ancha chetda o'tkazildi. Ustiga-ustak, o'yin o'tkaziladigan joyning o'zgarganini oxirgi kunlarda bilib oldik. Bunga qadar uchrashuv poytaxtda bo'lishi kutilayotgandi. Katta ehtimol bilan aynan shu faktor qiziqish ancha pasayishiga sabab bo'lgandir, balki. Chunki o'zbek futboli muxlisi baribir, terma jamoani birinchi o'ringa qo'yadi va kim biladi deysiz, agar bu o'yin mezbonligi Jizzax, Buxoro, Navoiy yoxud Farg'onaga berilganda, uning atrofidagi shov-shuv ham shunga yarasha bo'larmidi?! Biz atayin oliy liganing 12-tur o'yinlari o'tkazilmagan shaharlarni tilga oldik. Aynan mana shu hududlarda O'zbekiston (U-22)-Rossiya (U-22) uchrashuvini o'tkazishga yaraydigan stadionlar bor. Biroq o'yinni bu shaharlarda o'tkazishga nima xalal berdi, bexabarmiz. Hozir mazkur uchrashuv natijasi va undan olingan tajriba haqida gapirmoqchi emasmiz. Umuman, bu haqda aytadigan gap ham ko'p emas. Raqib baribir, bir bosh baland ekan va buni birinchi bo'limning o'zidayoq o'yin taqdirini hal qilish orqali isbotladi. Keyingi 45 daqiqalik esa shunchaki, ortiqcha jon koyitishlarsiz o'tdi va bizning azamatlar hisobni minimal tarzda qisqartirishning uddasidan chiqishdi. Ortig'iga ularning kuchi etmadi yoki boshqacha aytganda, rossiyalik tengdoshlari bunga yo'l qo'ymadi. Raqib maydonda engil, o'zi istagandek to'p surdi. Shu bilan birga mehmonda o'ynayotganini ham unutib qo'ymadi. Axir mehmonnavozlikka munosib javob ham berish kerak. Ammo biz bevosita o'yin emas, balki uning atrofidagi holatga e'tibor qaratishimizni aytdik. Davom etamiz. Garchi O'FFga yoqmasa-da oldindan uzr so'ragan holda bir gapni baribir, ta'kidlash lozim - bu uchrashuv xuddi majburlikdan, shunchaki, hisobot uchun o'tkazilgandek tuyuldi. Terma jamoalar markazi tugatilganiga ancha bo'ldi, ammo DAVOMI InterFutbol.uz ning Telegram dagi sahifasiga ulaning – eng so'nggi yangiliklar, qiziqarli bloglar va tahliliy materiallar endi bir to'plamda.
— deya xabar beradi uff.uz nashri.