KXDR terma jamoasi JCh-2018 va OK-2019 uchun o'tkazilayotgan saralash musobaqasida o'z maydonida Bahreynni qabul qildi. Nihoyat kechikib kelgan ma'lumotlarga qaraganda, shimoliy koreyaliklar ushbu uchrashuvda 2:0 hisobida g'alaba qozongan.
E'tiborli tomoni, KXDRning har ikki goli ham qo'shimcha bo'limlarda kiritilgan. Rak Kvang Ryong birinchi bo'limga qo'shib berilgan daqiqalarda penaltidan hisobni ochgan bo'lsa, Jong Il Gvan 90+3 daqiqada jamoasining ikkinchi golini kiritgan.
Ushbu g'alabadan so'ng KXDR 16 ochko bilan guruhda etakchilikni saqlab qoldi. Ikkinchi o'rindagi O'zbekiston terma jamoasi hisobida 12 ochko bor, biroq hamyurtlarimiz ikki o'yin kam o'tkazishgan. Bugun, Toshkent vaqti bilan soat 20.30 da guruh doirasida Yaman va O'zbekiston milliy terma jamoalari o'zaro kuch sinashishi ko'zda tutilgan.
JCh-2018 va OK-2019 saralashi
N guruhi
KXDR - Bahreyn - 2:0
Gollar: Rak Kvang Ryong 45+1, Jong Il Gvan 90+3
Guruhdagi holat № Jamoa O'yin G'alaba Durang Mag'lubiyat T-N Ochko 1 KXDR 7 5 1 1 12-5 16 2 O'zbekiston 5 4 0 1 15-6 12 3 Filippin 6 2 1 3 5-9 7 4 Bahrayn 6 2 0 4 7-9 6 5 Yaman 6 1 0 5 1-11 3
— deya xabar beradi uff.uz nashri.