O'zbekiston milliy terma jamoasi ertaga, 6 iyun kuni Toshkentda Tailand termasiga qarshi o'rtqolik o'yinida maydonga tushishi haqida xabar berilgandi.
Tailand terma jamoasi delegatsiyasi bugun, 5 iyun kuni tushdan keyin Toshkent shahriga etib keladi. Bosh murabbiy Milovan Raevats bo'lajak o'yinga 22 futbolchini jalb qilgan.
Darvozabonlar: Sintxavichai Xatxairattakul (“Supanburi”), Sivarak Tedsungnoen (“Buriram Yunayted”);
Himoyachilar: Narubadin Viravatnodom (“Buriram Yunayted”), Kevin Diromram (“Ratchaburi”), Pansa Xemvibun (“Buriram Yunayted”), Nattapon Malapun (“Chonburi”), Puttinan Vannasri (“Bangkok”), Mika Chunonsi (“Bangkok Yunayted”), Chalermpong Kerdkaev (“Nakorn Ratchasima Mazda”);
Yarim himoyachilar: Tanabun Kesarat (“Singxa Chiangray”), Antoni Petch Ampaipitakvong (“Bangkok Yunayted”), Pokklav Anun (“Bangkok Yunayted”), Titipan Puangjan (“Singxa Chiangray”), Sanravat Dechmitr (“Bangkok Yunayted”), Chayavat Buran (“Buriram Yunayted”), Bordin Pala (“Buriram Yunayted”), Chutipon Tontay (“Ratchaburi”), Piradol Chamrasami (“Muangtong Yunayted”).
Hujumchilar: Sirod Chattong (“Muangtong Yunayted”), Nurul Sriyankem (“Chonburi”), Tiratep Vinotay (“Bangkok Yunayted”), Rungrut Pumichantuk (“Ratchaburi”).
Bugun, shuningdek, “Bunyodkor” stadionida har ikki jamoa ishtirokida rasmiy mashg'ulotlar bo'lib o'tadi. O'zbekiston terma jamoasining mashg'uloti 19:00 da, Tailand termasining mashg'uloti esa 20:00 da boshlanadi.
Eslatib o'tamiz, O'zbekiston – Tailand uchrashuvi ertaga, 6 iyun kuni “Bunyodkor” stadionida soat 20:00 da start oladi. Ushbu bahsni stadiondan bevosita yoritishni rejalashtirayotgan OAV vakillari JCh–2018 saralash bosqichi uchun berilgan akkreditatsiya kartochkalari bilan “Bunyodkor” maydonida kirishi mumkin.
Mazkur o'yin O'zbekiston termasi uchun Eronga qarshi 12 iyun kuni o'tkaziladigan JCh–2018 saralash o'yiniga tayyorgarlik vazifasini o'taydi.
— deya xabar beradi uff.uz nashri.