«Everton» klubi bosh murabbiyi Ronald Kuman «Real»ning EChL finalidagi g'alabasi borasida o'z fikrlarini bildirib o'tdi. ««Real» haqli ravishda EChLni yutib oldi, ular ushbu turnirda yaxshi harakat qildilar va «Yuventus»ga qarshi kechgan bahsning ikkinchi bo'limida kuchli o'yin namoyish etdilar. Ammo fikrimcha, hozirgi «Real»ni Gvardiola davridagi «Barselona» bilan solishtirib bo'lmaydi. Unda kuchli jamoa bor edi. O'sha paytdagi jamoa «Real»dan kuchli edi, modomiki ular klubning yangi zamonini ochib bergan edilar» Xosep Gvardiola kataloniyaliklar klubini 2008-2012 yillar mobaynida boshqargan. Uning qo'l ostida klub Ispaniya chempionati (2008/09, 2009/10, 2010/11), mamlakat Kubogi (2008/09, 2011/12), EChL (2008/09, 2010/11) va klublar o'rtasidagi JCh musoboqalarida sovrinlarga erishgan.
— deya xabar beradi uff.uz nashri.