Tavsiya qilamiz:
UzBARCA.COM - FC Barcelona Muxlislar sayti !!!
" Real madrid " muxlislari sayti !!!
"FUTBOL TV " Yangiliklar !!
" Real madrid " muxlislari sayti !!!
"FUTBOL TV " Yangiliklar !!
O'zbekiston - Tayland: O'yin bizga nima beradi?
6 iyun kuni O'zbekiston terma jamoasi JCh-2018 saralashining Eronga qarshi o'yiniga tayyorlanish maqsadida Toshkentda Tailand terma jamoasiga qarshi o'rtoqlik o'yinida maydonga tushadi.
Avvalroq, bu o'yin ko'plab oldingilari kabi bekor bo'lgani xabar qilingandan keyin futbolchilarimiz yana oqlar va ko'klarga bo'linib o'ynashlarini kutgandik, lekin oxir-oqibat tomonlar bir to'xtamga kelishdi va o'yin Toshkentda o'tkaziladigan bo'ldi. Mehmonlarimiz uchun BAAga qarshi, biz uchun Eronga qarshi o'yinga tayyorgarlik vazifasini o'taydigan bu uchrashuv biz uchun qanchalik muhim?
BU BIZGA NIMA BERADI?
Tailandga qarshi o'yin terma jamoa uchun suv va havodek zarur deya olmaymiz, chunki Eron bilan tayyorlanish uchun Tailand eng to'g'ri tanlangan raqib emas. Bu ikki jamoa boshqacha o'yin ko'rsatadi. Lekin 6 iyundagi raqibimiz ko'chada qolgan jamoalardan ham emas. Xuddi biz kabi Tailand ham JCh-2018 saralashining hal qiluvchi bosqichigacha etib kelgan. Terma jamoaga yangi murabbiy tayinlangan. Endilikda Milovan Rayevats Tailand bosh murabbiyi. O'zbekistonga qarshi u debyut o'yinini o'tkazadi. Murabbiy bungacha Qatar, Jazoir va Gana terma jamoalarida ham ishlagan. Murabbiy bu saralash bosqichida nimagadir erishishi deyarli imkonsiz, shu sabab u kelajakdagi rejalarni bajarishga urinib ko'radi.
Tailandga qarshi o'yinga ko'pchilik jiddiy qaramayapti, lekin raqib bizga jiddiy qarshilik ko'rsatadi. Chunki uzoq yillik natijalar sabab O'zbekiston Osiyoning eng kuchli jamoalaridan biri. Tailand uchun biz top raqib hisoblanamiz. Shu sabab o'yinda terma jamoamiz yaxshigina qizib olishi va Tehronga yaxshi formada uchib borishi mumkin. O'rtoqlik o'yinining Toshkentda o'tkazilayotgani, Eronga yaqin biror erda o'yin tashkil qilish kerak ekani tanqid qilinmoqda. Biroq ikkiga bo'linib o'ynagandan shu ham yaxshiroq…
ESKI TILDA YaNGI SO'Z
Kimdandir hech kutilmagan gapni eshitib qolsa, xalqimiz «Eski tilda yangi gap?» deb ajablanib qo'yadi. Terma jamoamizning deyarli butun millat tanib bo'lgan murabbiyi ham Eronga qarshi o'yinga yangi nomlarni tarkibga kiritdi. Muxlislar charchashgandi poytaxt jamoalaridagi futbolchilarning qanday o'ynashidan qat'i nazar terma jamoaga chaqirilishidan. Bu gal muxlislar tarkibda «Qo'qon-1912» futbolchilari Javohir Siddiqov, Murod Xolmuhammedovni, «Nasaf»dan Aziz G'aniev, Akmal Shorahmedovni, Yaponiya chempionatida o'ynayotgan Fozil Musaevni ko'rib xursand bo'lishgani aniq. Bu yilgi milliy chempionat terma jamoa tarkibiga ta'sir qiladigan darajada o'tayotgani ko'rindi. Tailandga qarshi o'yinda murabbiy aynan mana shu yangi nomlarni sinab ko'rishi mumkin. O'rtoqlik o'yinlari shu uchun kerakda. Babayan yana bir narsani sinab olishi mumkin bu o'yinda. Biz har qancha gapirmaylik, murabbiy baribir bitta hujumchini maydonga tushiradi. Sergeev va Abduxoliqovdan qay biri yaxshiroq formada ekanini bilish uchun Babayan ularning har ikkisini maydonga tushirsa, yaxshi bo'lardi. Muxlislar ham maydonning o'zida ko'rib olishardi kim yaxshiroq ekanini.
O'ZARO O'YINLAR
Biz Tailand bilan birinchi marta o'ynayotganimiz yo'q. Shunday vaqtlar bo'lgandiki, Tailand bizni 4:1 hisobida mag'lub etgan. O'zaro o'yinda raqiblar yaqqol ustun. Ishonish qiyin, to'g'rimi? Lekin shunday. Ikki terma jamoa hozirgacha 9 marta to'qnash kelgan. Ulardan 3 tasida vakillarimiz, 6 tasida Tailand g'alaba qozongan. Ilk o'zaro o'yin 1994 yil Osiyo o'yinlarida kuzatilgan. O'shanda barcha raqiblarini mag'lub etgan terma jamoamiz Tailanddan 5:4 hisobida ustun kelgan. Yana bir g'alabamiz 2001 yil Malayziyada o'tkazilgan Merdaka kubogida qayd etilgan. O'shanda Baxtiyor Hamidullaevning yagona goli terma jamoamizga g'alaba keltirgan. 2004 yilgi Osiyo Chempionati saralashida ikki jamoa bir guruhdan o'rin olgan. Toshkentda o'yinda Vladimir Shishelovning ikkita, Maksim Shatskixning bitta goli vakillarimizga 3:0 hisobida g'alaba keltirgan. Javob o'yinida esa Tailand 4:1 hisobida g'alaba qozongan. Jamoalarning oxirgi to'qnashuvi 2007 yil Bang-kokda kuzatilgan. Qirol kubogi deb nomlangan musobaqada Tailand 3:2 hisobida g'alaba qozongan. Farhod Tojiev «dubl» qayd etgan.
O'rtoqlik uchrashuvi
6 iyun (seshanba)
O'ZBEKISTON — TAILAND
Toshkent, «Bunyodkor» stadioni.
Uchrashuv boshlanish vaqti: 20:00
TV-Translyatsiya: «Cport TV»
O'tkir JALOLXONOV
— deya xabar beradi uff.uz nashri.
Avvalroq, bu o'yin ko'plab oldingilari kabi bekor bo'lgani xabar qilingandan keyin futbolchilarimiz yana oqlar va ko'klarga bo'linib o'ynashlarini kutgandik, lekin oxir-oqibat tomonlar bir to'xtamga kelishdi va o'yin Toshkentda o'tkaziladigan bo'ldi. Mehmonlarimiz uchun BAAga qarshi, biz uchun Eronga qarshi o'yinga tayyorgarlik vazifasini o'taydigan bu uchrashuv biz uchun qanchalik muhim?
BU BIZGA NIMA BERADI?
Tailandga qarshi o'yin terma jamoa uchun suv va havodek zarur deya olmaymiz, chunki Eron bilan tayyorlanish uchun Tailand eng to'g'ri tanlangan raqib emas. Bu ikki jamoa boshqacha o'yin ko'rsatadi. Lekin 6 iyundagi raqibimiz ko'chada qolgan jamoalardan ham emas. Xuddi biz kabi Tailand ham JCh-2018 saralashining hal qiluvchi bosqichigacha etib kelgan. Terma jamoaga yangi murabbiy tayinlangan. Endilikda Milovan Rayevats Tailand bosh murabbiyi. O'zbekistonga qarshi u debyut o'yinini o'tkazadi. Murabbiy bungacha Qatar, Jazoir va Gana terma jamoalarida ham ishlagan. Murabbiy bu saralash bosqichida nimagadir erishishi deyarli imkonsiz, shu sabab u kelajakdagi rejalarni bajarishga urinib ko'radi.
Tailandga qarshi o'yinga ko'pchilik jiddiy qaramayapti, lekin raqib bizga jiddiy qarshilik ko'rsatadi. Chunki uzoq yillik natijalar sabab O'zbekiston Osiyoning eng kuchli jamoalaridan biri. Tailand uchun biz top raqib hisoblanamiz. Shu sabab o'yinda terma jamoamiz yaxshigina qizib olishi va Tehronga yaxshi formada uchib borishi mumkin. O'rtoqlik o'yinining Toshkentda o'tkazilayotgani, Eronga yaqin biror erda o'yin tashkil qilish kerak ekani tanqid qilinmoqda. Biroq ikkiga bo'linib o'ynagandan shu ham yaxshiroq…
ESKI TILDA YaNGI SO'Z
Kimdandir hech kutilmagan gapni eshitib qolsa, xalqimiz «Eski tilda yangi gap?» deb ajablanib qo'yadi. Terma jamoamizning deyarli butun millat tanib bo'lgan murabbiyi ham Eronga qarshi o'yinga yangi nomlarni tarkibga kiritdi. Muxlislar charchashgandi poytaxt jamoalaridagi futbolchilarning qanday o'ynashidan qat'i nazar terma jamoaga chaqirilishidan. Bu gal muxlislar tarkibda «Qo'qon-1912» futbolchilari Javohir Siddiqov, Murod Xolmuhammedovni, «Nasaf»dan Aziz G'aniev, Akmal Shorahmedovni, Yaponiya chempionatida o'ynayotgan Fozil Musaevni ko'rib xursand bo'lishgani aniq. Bu yilgi milliy chempionat terma jamoa tarkibiga ta'sir qiladigan darajada o'tayotgani ko'rindi. Tailandga qarshi o'yinda murabbiy aynan mana shu yangi nomlarni sinab ko'rishi mumkin. O'rtoqlik o'yinlari shu uchun kerakda. Babayan yana bir narsani sinab olishi mumkin bu o'yinda. Biz har qancha gapirmaylik, murabbiy baribir bitta hujumchini maydonga tushiradi. Sergeev va Abduxoliqovdan qay biri yaxshiroq formada ekanini bilish uchun Babayan ularning har ikkisini maydonga tushirsa, yaxshi bo'lardi. Muxlislar ham maydonning o'zida ko'rib olishardi kim yaxshiroq ekanini.
O'ZARO O'YINLAR
Biz Tailand bilan birinchi marta o'ynayotganimiz yo'q. Shunday vaqtlar bo'lgandiki, Tailand bizni 4:1 hisobida mag'lub etgan. O'zaro o'yinda raqiblar yaqqol ustun. Ishonish qiyin, to'g'rimi? Lekin shunday. Ikki terma jamoa hozirgacha 9 marta to'qnash kelgan. Ulardan 3 tasida vakillarimiz, 6 tasida Tailand g'alaba qozongan. Ilk o'zaro o'yin 1994 yil Osiyo o'yinlarida kuzatilgan. O'shanda barcha raqiblarini mag'lub etgan terma jamoamiz Tailanddan 5:4 hisobida ustun kelgan. Yana bir g'alabamiz 2001 yil Malayziyada o'tkazilgan Merdaka kubogida qayd etilgan. O'shanda Baxtiyor Hamidullaevning yagona goli terma jamoamizga g'alaba keltirgan. 2004 yilgi Osiyo Chempionati saralashida ikki jamoa bir guruhdan o'rin olgan. Toshkentda o'yinda Vladimir Shishelovning ikkita, Maksim Shatskixning bitta goli vakillarimizga 3:0 hisobida g'alaba keltirgan. Javob o'yinida esa Tailand 4:1 hisobida g'alaba qozongan. Jamoalarning oxirgi to'qnashuvi 2007 yil Bang-kokda kuzatilgan. Qirol kubogi deb nomlangan musobaqada Tailand 3:2 hisobida g'alaba qozongan. Farhod Tojiev «dubl» qayd etgan.
O'rtoqlik uchrashuvi
6 iyun (seshanba)
O'ZBEKISTON — TAILAND
Toshkent, «Bunyodkor» stadioni.
Uchrashuv boshlanish vaqti: 20:00
TV-Translyatsiya: «Cport TV»
O'tkir JALOLXONOV
— deya xabar beradi uff.uz nashri.
Bosh sahifaga
449