Germaniya futbol kengashi (DFB) prezidenti Raynxard Grindel JCh-2022 musoboqasi mezboni Qatarning siyosiy muammolari haqida gapirib o'tdi. «Yirik musoboqalar terrorchilikni faol qo'llab-quvvatlaydigan mamlakatlarda o'tkazilmasligi lozim, jahon futbol uyushmasi bu fikrimga qo'shilishi kerak», – deydi Grindel. Uning gaplariga qaraganda, Grindel bu masalani Germaniya hukumati va UEFA bilan muhokama qiladi. Avvalroq, oltita davlat Qatar bilan har qanday aloqani uzishga qaror qilgadi. Ular - Bahrayn, Misr, Yaman, Liviya, Saudiya Arabistoni va BAA. Ushbu davlatlar Qatarni islom terrorchilariga ko'maklashayapti hamda arab mamlakatlarida notinchlikni keltirib chiqarishga harakat qilmoqda, deb hisoblamoqda.
— deya xabar beradi uff.uz nashri.