«Barselona» klubining braziliyalik hujumchisi Neymar Ispaniya fuqaroligini olishi mumkin. La Liga reglamentiga ko'ra jamoalar o'yin qaydnomasiga Evropadan bo'lmagan faqat uchta futbolchini kiritishlari mumkin. Hozirda kataloniyaliklar safida lotinamerikalik bo'lgan va Ispaniya fuqaroligiga ega bo'lmagan uchta futbolchi bor – Braziliyadan Neymar va Marlon, shuningdek urugvaylik Luis Suares. «Barselona» transfer bozoridagi imkoniyatlarini kengaytirish uchun, Neymarning Ispaniya fuqaroligini olishini xohlamoqda, deya xabar qilmoqda Marca nashri. Eslatib o'tamiz, «Barselona» safida yana bir braziliyalik himoyachi Duglas ham bor. Biroq klub unga yangi jamoa qidirmoqda.
— deya xabar beradi uff.uz nashri.