O'zbekiston milliy terma jamoasining JCh–2018 turniriga saralash bosqichi “A” guruhidagi guruhdoshi – Suriya termasi o'rtoqlik o'yinida Yaponiya bilan o'zaro bahs olib bordi. Mazkur o'yinda 1:1 hisobi qayd etildi. Bellashuvning 48-daqiqasida Madrik Mardikyan hisobni ochgan bo'lsa, 58-daqiqada Yasuyuki Konn muvozanatni tikladi. Avvalroq Ayman Hakim bosh murabbiyligidagi Suriya terma jamoasi Muskat shahrida Ummon bilan o'rtoqlik o'yini o'tkazib, 1:1 hisobida durang o'ynagani haqida xabar berilgandi. Ma'lumot uchun, JCh–2018 turniriga saralash bosqichi “A” guruhi 7-turidan keyin Suriya 8 ochko bilan 4-o'rinda bormoqda. Yaponiya 16 ochko bilan xuddi shuncha ochkoga ega bo'lgan Saudiya Arabistonidan yaxshiroq to'plar nisbati bilan “B” guruhida peshqadamlik qilmoqda. 
— deya xabar beradi uff.uz nashri.