“Lion” klubi hujumchisi Aleksandr Lyakazett “Arsenal” jamoasi rahbariyatining qiziqishlari doirasiga kirgan. France Football nashrining ma'lumotiga ko'ra, “kanonirlar” agar Aleksis Sanches jamoadan ketsa, 26 yoshli futbolchi bo'yicha taklif jo'natishlari mumkin. Shartnomasi 2018 yilning yozida tugaydigan chililik to'purar “Bavariya” klubining qiziqishlari doirasida bo'lib turibdi. “Arsenal” Sanchesni “Emireyts“da olib qolmoqchi, ammo tomonlar kelishuvga erisha olishmayapti. Agara yozgi transferlar mavsumida Sanches baribir ketsa, “Arsenal” “Lion”ga Lyakazett uchun 40 million evro taklif qilmoqchi. Avvalroq, frantsiyalik futbolchi “Atletiko”da o'ynab ko'rishni xohlashini oshkor qilgandi.
— deya xabar beradi uff.uz nashri.