«Roma» klubi Muhammad Salohni «Liverpul»ga sota olmasa, u holda Raja Nainggolanni «Manchester Yunayted»ga transfer qiladi, deya xabar qilmoqda Football Italia nashri. Aytilishicha, moliyaviy feyr-pley qoidalariga muvofiq rimliklar 30 iyungacha 30 mln evro daromad qilishlari kerak. «Liverpul»  Saloh uchun 32 mln evro va qo'shimcha bonus pullarini taklif qilmoqda, biroq «Roma» futbolchi uchun 40 mln so'ramoqda. Agar ushbu kelishuv amalga oshmaydigan bo'lsa, rimliklar Nainggolanni 40 mln evro evaziga «MYu»ga sotishlari mumkin. Belgiyalik futbolchining o'zi «Roma» bilan yangi kelishuv imzolashni va yillik maoshi 1 mlndan 4,8 mln evroga oshirilishini kutmoqda.
— deya xabar beradi uff.uz nashri.