Xose Mariya Mendez O'zbekistondan ketdi. Futzal assotsiatsiyasi rasmiy sayti tomonidan xabar qilinishicha, ispaniyalik murabbiy bilan shartnoma muddati yakuniga etgani bois, u yurtimizni tark etgan. Biz hozir yangi kelishuv imzolanishiga nima xalal berganini bilmaymiz. Aftidan, tomonlar bunga hojat yo'q, deb hisoblashgan. Balki Mendez O'zbekiston futzal terma jamoasiga borini berib ulgurganini his qilgandir?! Yoki assotsiatsiya rahbariyati saviya bo'yicha undan kam bo'lmagan boshqa murabbiy topishiga ishonsa kerak. Asl sababi bizga noma'lum. Ammo bir narsa aniq - Mendez ajoyib murabbiy sifatida yodimizda qoladi. Tan olish lozim, yurtimizda futzal juda ham ommalashgan sport turi hisoblanmaydi. Garchi futzalchilar qayd etayotgan natija futboldan ancha ustun tursa-da, bizning xalqimiz baribir, yashil maysa ustida o'ynaladigan o'yinni ko'proq xush ko'radi. Yopiq zalda biroz «siqilib» qolardik. Xose Mariya Mendez esa mana shu to'rt devor ichida ham shiddat va joziba borligini bizga isbotlab bera oldi. O'zbekiston futzal assotsiatsiyasi tomonidan berilgan xabarda ispaniyalik murabbiy erishgan yutuqlar ro'yxati ko'rsatilgan. Biroq Mendezning qanday murabbiy ekanini oddiy muxlisdan so'rasangiz ham aytib beradi. U bizning yodimizda eng avvalo, Toshkentda bo'lib o'tgan Osiyo chempionatidagi ishtiroki bilan qolib ketgandi. O'tgan yili o'tkazilgan qit'a birinchiligini uzoq vaqt unuta olmasak kerak. «O'zbekiston» sport majmuasi har doim ham tomoshabinlar bilan liq to'lavermaydi. Ammo Osiyo chempionati bo'lib o'tgan o'sha kunlarda ichkariga kira olmay, ko'chada qolib ketgan minglab muxlislarni ko'rganmiz. Ammo hozir gap bunda ham emas. Ishqiboz chipta olib, zalga kiribdimi, demak Mendezning jamoasi shunga yarasha o'yin namoyish etgan. Bu uning qadrini ko'rsatadi. Xose Mariya Mendezning kelgusi faoliyati qanday kechishini bilmaymiz. Murabbiy uzoq yillardan buyon Osiyoda ishlab kelayotganini inobatga olsak, Evropaga qaytib ketmasligini taxmin qilish mumkin. O'zbekis­ton terma jamoasidagi ajoyib faoliyatidan so'ng qit'amizning har qanday termasi uni o'z boshqaruvida ko'rishni istashi turgan gap. Shunday ekan, Mendez yaqin kelajakda yurtimizga raqib sifatida kelishi ehtimoli ham yo'q emas. Ishonchim komilki, bunday vaqtda sportchilar ham, muxlisu jurnalistlar ham uni samimiy kutib oladilar. Chunki Mendez shunga munosib. Biz mana shunday murabbiyni yo'qotmoqdamiz. Ammo DAVOMI InterFutbol.uz ning Telegram dagi sahifasiga ulaning – eng so'nggi yangiliklar, qiziqarli bloglar va tahliliy materiallar endi bir to'plamda.
— deya xabar beradi uff.uz nashri.