Avstraliya davlatining Adelaida shahrida Avstraliya hamda Saudiya Arabistoni terma jamoalari o'rtasidagi JCh-2018 saralash uchrashuvi o'z nihoyasiga etdi. Unda 3:2 hisobi qayd etilib, avstraliyaliklarning g'alabasi bilan tugadi. Uchrashuv ikkala tomonning shiddatli hujumlari bilan boshlandi. Mezbonlar o'yinning 7-daqiqasidayoq hisobni ochishga erishdilar, gol muallifi – Tomi Yurich. Biroq, «yashil qit'a» vakillarining xursandchiliklari uzoqqa cho'zilmadi, birinchi bo'lim o'rtalarida Salim Al-Dosari muvozanatni tiklovchi gol muallifiga aylandi. Uchrashuvning 36-daqiqasida mezbonlarning tezkor hujumlari o'z samarasini berdi, o'ng qanotdan uzatib berilgan to'pni Yurich boshi bilan zarba berib, to'pni darvozaga joylab qo'ydi. Hakam tomonidan qo'shib berilgan daqiqalarning so'nggisida Saudiya hujuschisi Muhammad al-Shahlaviy raqib jarima maydonchasi ichida paydo bo'ldi va to'pni to'xtatib o'tirmay darvoza tomon chiroyli zaoba yo'lladi, hamda ikkinchi martta hisobni tenglashtirishga erishdi. Uchrashuvning ikkinchi bo'limi Avstraliyaning ketma-ket hujumlari bilan boshlandi va bu 64-daqiqada o'z samarasini berdi. Maydon markazida mehmonlar xatoga yo'l qo'yishdi, bundan foydalangan mezbonlar zudlik bilan qarshi hujumga o'tdilar. Tom Rogmch chamasi 18 metrlardan kuchli zarba berdi va to'pni darvozaga «mixlab» qo'ydi. Ushbu hisob o'yin so'nggiga qadar o'zgarmadi. JCh-2018 saralashi, Osiyo qit'asi
Avstraliya - Saudiya Arabistoni — 3:2
Gollar: 1:0 – 7, Yurich, 1:1 – 23, Al-Dosari, 2:1 – 36, Yurich, 2:2 – 45(+2), Al-Shahlavi, 3:2 – 64, Rogich. Avstraliya: Rayan, Smit (Bexich, 46), Seynsberi, Makgouen, Degenek, Muy, Rogich, Irvayn (Kruz, 63), Edinak, Lekki, Yurich (Luongo, 85). Saudiya Arabistoni: Al-Musaylim, Xavsavi, Xavsavi, Al-Burayk, Al-Zo'ri, Al-Xaybari (Otayf, 68), Al-Faraj, Al-Jassim, Al-Shahri (Asiri, 82), Al-Dosari (Al-Muoshar, 82), Al-Shahlavi.
— deya xabar beradi uff.uz nashri.