6-8 iyun kunlari Vetnamda taekvondoning kerugi va pumse yo'nalishlari bo'yicha kadetlar o'rtasida II Osiyo chempionati bellashuvlari bo'lib o'tdi. Mazkur turnirda qit'amizning 18 davlatidan sportchilar ishtirok etdi. Sabir Nazaraliev boshchiligidagi terma jamoamiz ham muvaffaqiyatli qatnashishdi.
Kerugi yo'nalishi bo'yicha 33 kg vazn toifasida Daniil Kim Koreya vakiliga 20:25 hisoblarida imkoniyatni boy berib, bronza medali bilan cheklangan bo'lsa, 59 kgda Iroda Mirtojieva Vetnam vakilasidan 16:37 hisoblarida ustun kelib, uchinchi o'rinni egalladi. +59 kgda esa Kseniya Smirnova ham bronza medali bilan taqdirlandi.
37 kgda Amir Turaev finalgacha etib borib, eronlik sportchi bilan bo'lgan hal qiluvchi bahsda kichik hisobda (10:16) imkoniyatni boy berdi va kumush medali bilan taqdirlandi. 29 kgda esa Munisa Karimova kumush medalga sazovor bo'ldi.
Pumse yo'nalishi bellashuvlarining birinchi kunida Iroda Umrzakova oltin, Aynur Umrzaqov, Islombek Rajabov yakkalik, Iroda Umrzaqova va Islombek Rajaboev juftlik qarama-qarshiliklarida bronza medallarini qo'lga kiritishdi.
45 kgda kadetlar o'rtasida Azizbek Raxmonberdiev shohsupaning eng yuqori pog'onasidan o'rin olgan bo'lsa, 41 kgda Sevinch Muminova uchinchi o'rin bilan cheklandi.
Shunday qilib, O'zbekiston terma jamoasi Osiyo chempionatida 2 oltin, 2 kumush va 8 bronza medaliga ega chiqishdi.
Sportchilar ertaga Toshkentga uchib kelishadi, deya xabar beradi O'zbekiston WTF taekvondo assotsiatsiya matbuot xizmati.
— deya xabar beradi uff.uz nashri.