«Chelsi» klubi «Monako» hujumchisi Kilian Mbappeni qo'lga kiritish yo'lida kurashishga tayyor. Le10 Sport nashrining xabar qilishicha, «ko'klar» ustozi Antonio Konte 18 yoshli hujumchini o'z jamoasida ko'rmoqchi. Hozirda «Chelsi» futbolchining klubi va agenti bilan transfer muzokaralarini olib bormoqda. Shuningdek, Konte 13 iyunda bo'lib o'tadigan Frantsiya – Angliya o'rtoqlik uchrashuvi olidan Mbappe bilan ko'rishadi. Eslatib o'tamiz, «Chelsi» keyingi mavsumda hujumchisi Diego Kostaga ishonch bildirmayapti. Jamoa uni transferga qo'ygan va hujumni kuchaytirish haqida o'ylamoqda.
— deya xabar beradi uff.uz nashri.