Farg'onaning «Neftchi» klubi boy tarixga ega. Ammo hozirda jamoa egalik qilib turgan bor narsa ham shu tarixdan iborat bo'lib qolgandek. Jamoaning avvalgi o'yinidan darak yo'q va oliy liga jadvalida ham so'nggi o'rinlarda bormoqda. Shunga monand, stadionga muxlislar tashrifi keskin pasaydi. Farg'ona futboli uchun bundan-da yomonroq manzara bo'lmasa kerak. Albatta, vaziyat shunday qolishi mumkin emasdi va klub rahbariyati nihoyat, jiddiy o'zgarishga qo'l urdi - bosh murabbiy Andrey Fyodorov iste'foga chiqarildi va o'rniga Vadim Abramov taklif etildi. Bu mutaxassisni muxlislarga tanishtirish shart emas, u allaqachon ko'pchilik qalbidan o'rin olib ulgurgan. Xullas, Vadim Karlenovichni katta futbolga qaytishi bilan tabriklash bahonasida nimalarni rejalashtirayotganiga qiziqdik. - Vadim Karlenovich, avvalo, «Neftchi»da ish boshlaganingiz bilan tabriklaymiz. Ammo bitta savol - ko'p bora poytaxtda qolishni istashingizni aytgansiz. Shunga muvofiq, viloyatlar jamoalari taklifini rad etib kelgansiz. Qiziq, bu safar nima o'zgardi? - Tabrik uchun rahmat. Viloyat klubida ishlashga rozilik berganimga kelsak, poytaxt jamoalaridan taklif tushishini juda uzoq kutdim. Biroq chorlovdan darak bo'lmadi. Shunday ekan, nihoyat, tanlash vaqti kelgandi. - O'zi «Neftchi»dan qachon taklif oldingiz va qaror qabul qilishingiz uchun qancha vaqt ketdi? - Hech qancha. Taklif bo'ldi va darhol qabul qildim. Nima uchun «Neftchi»ni tanladim? Chunki bu klub menga begona emas. Avval ham Farg'onada ishlaganman va o'sha davrdan faqat iliq xotiralar qolgan. Shunday ekan, taklifga javob berishda sira ikkilanmadim. Boz ustiga, klub hozir og'ir ahvolda, shu bois, yordamim tegsa, faqat xursand bo'laman. - Jamoani elitada olib qolishga ko'zingiz etadimi? - Ish boshlaganimga hech qancha bo'lgani yo'q. Biror va'da berishdan avval futbolchilar bilan tanishib, imkoniyatlarni chamalab ko'rishim lozim. Albatta, biz kurashamiz. Men uchun «Neftchi»ning O'zbekiston kubogida kurashni davom ettirayotgani ham muhim ahamiyat kasb etadi. Chunki yuqori maqsad sari kurashish uchun musobaqa bo'lishi kerak. Oliy ligaga kelsak, qo'limizdan kelgan barcha ishlarni amalga oshiramiz. Bir vaqtlar, 2003 yili «Traktor»ni deyarli shunga o'xshash holatda qabul qilib olgan va elitada qolish vazifani uddalandik. Qiziq tomoni, o'shanda «Traktor» boshqaruvidagi ilk o'yinim Samarqand «Dinamo»siga qarshi kechgan edi. Adashmasam, biz mag'lubiyatga uchraganmiz. Mana endi «Neftchi»dagi ilk o'yin ham «Dinamo»ga qarshi. Umid qilamanki, bu safar tarix takrorlanmaydi va biz g'alaba qozonamiz. - «Neftchi»ning hozirgi tarkibi sizni qanoatlantiradimi? Masalan, «Traktor»da o'zingiz istagan tarkib bor edi. - Yo'q, «Traktor»da ish boshganimda, tarkib butkul boshqacha edi. Siz nazarda tutayotgan futbolchilarni esa keyinchalik jamlaganman. «Neftchi» xususida esa hozirdan aniq gap aytolmayman. Avval futbolchilar bilan tanishib, ularni yaqindan bilishim lozim. Jamoani chetdan kuzatgan boshqa, ichida turib boshqargan boshqa. Umuman, oldimizda qilinadigan ishlar ko'p. - Hozir klubdagi eng katta muammolardan biri - stadionga muxlislar tashrifi keskin tushib ketgani. Buni bartaraf etish qo'lingizdan kelarmikin? DAVOMI InterFutbol.uz ning Telegram dagi sahifasiga ulaning – eng so'nggi yangiliklar, qiziqarli bloglar va tahliliy materiallar endi bir to'plamda.
— deya xabar beradi uff.uz nashri.