«Sautgempton» rahbariyati jamoa bosh murabbiyi Klod Pyuel o'rniga Dortmundning «Borussiya» klubi sobiq ustozi Tomas Tuxelni taklif etmoqchi. Avvalroq, klub rahbariyati uning ishidan noroziligi va Pyuelning jamoa boshqaruvidan ketishga yaqin turgani OAV tomonidan xabar qilingan edi. «Sautgempton» o'tgan mavsumda APL musoboqa jadvalining sakkizinchi pog'onasini egalladi. The Independent nashrining xabar qilishicha, ingliz klubi 43 yoshli Tuxelni yangi bosh murabbyilikka eng yaxshi nomzod sifatida ko'rmoqda. Shuningdek, «Sautgempton» «Bayer»ning sobiq bosh murabbiyi Rojer Shmidt va argentinalik mutahassis Maurisio Pellegrino nomzodlarini ham ko'rib chiqmoqda.
— deya xabar beradi uff.uz nashri.