“Real” klubi rahbariyati bosh murabbiy Zayniddin Zidan bilan shartnomani uzaytirmoqchi. Bu haqida AS nashri xabar tarqatdi. Ma'lumotga ko'ra, tomonlar 2020 yilning yoziga qadar mo'ljallangan yangi bitimga imzo chekadilar. Unga ko'ra, “Real” murabbiyning maoshini oshiradi. Shu tariqa, Zidan dunyoda eng ko'p maosh oluvchi murabbiylar qatoriga qo'shiladi. Sal kam ikki to'liq mavsum ichida frantsiyalik mutaxassis “Real” bilan qatorasiga ikki bor Chempionlar ligasida g'alaba qozondi. Bundan tashqari, jamoani Ispaniya chempionati, Evropa Superkubogi hamda klublar o'rtasidagi Jahon chempionati g'olibligiga olib keldi. Zidanning amaldagi kelishuvi 2018 yilning yozida tugaydi.
— deya xabar beradi uff.uz nashri.