Milliy terma jamoamiz Yamanga qarshi uchrashuvda 3:1 hisobidagi g'alabani qo'lga kiritdi. Bu milliy termamizning ushbu yildagi eng so'nggi uchrashuvi edi. Biz O'zbekiston termasining yil davomidagi ko'rsatkichlari (uchrashuvlar, raqiblar, to'purarlar, muxlislar, katochkalar, murabbiylar)ni tahlil qildik.
Uchrashuvlar
O'zbekiston milliy terma jamoasi yil davomida 13 ta uchrashuvda maydonga tushdi. Ana shu o'yinlarning 7 tasida hamyurtlarimizning qo'llari baland kelgan bo'lsa, 5 ta bahsda termamiz futbolchilari maydonni boshlari egik holda tark etishgan. To'plar nisbati 25:19 bizning foydamizga!
Rasmiy o'yinlar
Milliy jamoamiz yil davomida 10 ta rasmiy o'yin o'tkazdi. Osiyo kubogi-2015 da 4 ta o'yin o'tkazgan termamiz 2 ta g'alaba va 2 ta mag'lubiyatni qayd etgan bo'lsa, JCh-2018 saralash bosqichi doirasida 6 ta uchrashuv o'tkazib 5 marta zafar quchdi va bir bora imkoniyatni boy berdi. To'plar nisbati 23:12 termamiz foydasiga!
O'rtoqlik uchrashuvlari
Hamyurtlarimiz yil davomida atigi 3 ta o'rtoqlik uchrashuvi o'tkazishdi. 27 martda Tejonda Janubiy Koreya bilan durang o'ynagan hamyurtlarimiz, oradan 4 kun o'tgach Tyofu shahrida Yaponiyadan qaqshatqich mag'lubiyatni qabul qilishdi – 1:5. 11 iyunda Toshkentda Eron bilan bo'lib o'tgan o'yin ham biznikilar uchun omadsiz yakunladi – 0:1. 3 ta o'rtoqlik o'yinida 1 durang va 2 mag'lubiyat. To'plar nisbati 2:7!
Davomi Furqat Yusupov blogida.
— deya xabar beradi uff.uz nashri.