Tavsiya qilamiz:
UzBARCA.COM - FC Barcelona Muxlislar sayti !!!
" Real madrid " muxlislari sayti !!!
"FUTBOL TV " Yangiliklar !!
" Real madrid " muxlislari sayti !!!
"FUTBOL TV " Yangiliklar !!
Afsonaviy avlod sharafiga yoki «Paxtakor»ning gullatganlar haqida (InterFUTBOL blogi)
2015 yil futbolimiz uchun alohida o'rin tutadi. O'tgan asrning 60-yillari boshida «Paxtakor»ning asosiy tarkibida 1940 yili tug'ilgan bir qator futbolchilar muhim rol o'ynashgan. Demakki, ular agar hayot bo'lganlarida, joriy yil 75 yoshga to'lishardi... Gap turli yillarda hayotdan ko'z yumishgan Viktor Naumenko, Stanislav Stadnik, Maqsud Sharipov, Gennadiy Krasnitskiy, Igor Malinovskiy, Valeriy Lyubushin, Vladimir Tojirov va Ulug'bek QoriyoQubov haqida ketyapti. Bu ro'yxatga Rival Zokirov (1939-2012)ni ham qo'shish mumkin. Xayriyatki, 1940 yilgi «oltin» avlod vakillaridan bugun nafaqa gashtini surayotganlari ham bor - moskvalik Yuriy Pshenichnikov va toshkentlik Vitaliy KapUstYanskiy. Ko'ryapsizmi, bitta futbol jamoasining deyarli to'liq tarkibi vujudga kelyapti...
Eng e'tiborlisi, afsonaviy avlod 1960 yili yorqin nur socha boshlagandi. Vaholanki, o'shanda biz e'tirof etayotgan barcha futbolchilar endi 20 yoshni qarshilagandilar, boz ustiga, «Paxtakor» ham o'zining yorqin yo'li boshida turgandi. Ya'ni sevimli jamoamiz ham endi-endi umume'tirof cho'qqisiga qarab qadam tashlayotgandi. Eng asosiysi, futbol dunyosiga notanish, mahalliy, 20 yoshli yigitlarimiz bir urinishda tan olingan usta futbolchilarga qarshi bahslarda ajoyib qahramonlik ko'rsatish uddasidan chiqishadi. Deylik, jamoamizning sobiq ittifoq oliy ligasidagi 3 yillik ishtiroki davomida «paxtakorchilar»dan engilmagan birorta klub qolmaydi. «Paxtakor» yosh futbolchilari bilan oliy liga miqyosidagi ilk o'yinlardayoq Moskvaning TsSKA (Toshkentda - 3:2) va «Spartak» (safarda - 1:0) klublarini dog'da qoldiradi. Shuningdek, mavsum-60da «Zenit» 2 marta mag'lub etiladi - 2:0 va 3:2, yana Donetskning «Shaxtyor» jamoasi ham 0:2 hisobidagi mag'lubiyatni tan oladi. Keyingi mavsumda esa, Moskva «Torpedo»si ham «Paxtakor» oldida ojiz qoladi - 0:1 va hokazo...
Natijada barcha futbol markazlarida Toshkent jamoasi haqida gapira boshlaydilar. Misol uchun, turli ko'rsatuv-dasturlarda muallif-ijodkorlar «Paxtakor» to'purarlari - Gennadiy Krasnitskiy va Birodar Abduraimovni e'tirof etishadi, markazdagi Krasnitskiy-Stanislav Stadnik bog'lamiga e'tibor qaratishadi va albatta, darvozabon Yuriy Pshenichnikov mahoratini alohida tilga olishadi. Misol uchun, matbuot 1960 yilgi chempionatga baho berar ekan, shunday yozgandi: «1960 yilning 2 may kuni Estoniya poytaxtida O'zbekiston jamoasi ilk marta ko'rinish berdi - noodatiy «Paxtakor» nomi bilan. Yangi klubning tarkibi muxlislarga hech narsani anglatmasdi - Osiyo futboli Evropa hududidagi respublikalar uchun mutlaqo sir sanalardi. O'yinda «paxtakorchilar» hisobni ochishgach, Estoniyaning eng yaxshi jamoasi oliy ligada debyutini nishonlayotgan klubning shiddati va yaxshi ma'nodagi qo'rsligidan biroz gangib ham qoldi. Golni qudratli gavda va shunga yarasha kuchli oyoqlarga ega markaziy hujumchi urgandi. O'shanda Gennadiy Krasnitskiy - bo'lajak afsonaviy to'purarni hech kim tanimasdi».
Endi «Zenit»-«Paxtakor» o'yini uchun chiqarilgan maxsus dasturchaga e'tibor qaratamiz: «Paxtakor» hujumchilari tezkor va shiddatli. Ular raqib darvozasi tomon davomli va shiddatkorona hamla uyushtirishga qodirlar. Ayniqsa, O'zbekiston jamoasining juftlashgan markaziy chizig'i o'ta xavfli - 20 yoshli Gennadiy Krasnitskiy va Stanislav Stadnik».
Xarkov. «Avangard»-«Paxtakor» o'yini. «Paxtakor» hujum chizig'ida 2 nafar futbolchi borki, ular muntazam ravishda o'z raqiblariga ko'p mushkulotlar tug'dirishadi. Gap eng yaxshi to'purarlar ro'yxatini boshqarib borayotgan markaziy hujumchi Gennadiy Krasnitskiy va uning ortida harakatlanadigan Stanislav Stadnik haqida ketyapti. Bu ikki yosh sportchi keng ommaga joriy mavsumdagina tanildi. Ular bir qator o'yinlarda juft holda katta mahorat bilan to'p surishdi».
«Paxtakor» 1962 yili ko'pchilikni hayratga solib, oliy ligada faxrli 6-o'rinni egallaydi. Ya'ni bir qator tan olingan tajribali jamoalardan o'zib ketadi. Moskvada chiqadigan «Futbol» nashri sharhlovchisi Aleksandr Vit shunday yozgandi: «Paxtakor» - bu ham futbol, ham geografiya bobida haqiqiy kashfiyot. U mamlakatni yangi futbol markazi bilan boyitdi. Xullas, bizning futbolda yangi, yaxshi jamoa paydo bo'ldi. Uni hech qanday shubhasiz, birinchi darajali klublar qatoriga qo'shish mumkin. Nafaqat joriy yil turnir jadvalida egallagan o'rni, balki mustahkam o'yini, sportcha barqarorligi nuqtai nazaridan shunday. Zero, «Paxtakor» ko'plab boshqa klublardan farqli o'laroq, boshidan to'g'ri yo'nalish oldi. Xususan, o'z kadrlarini tayyorlash masalasida oqilona yo'l tutyapti».
Bir so'z bilan aytganda, 60-yillardagi «paxtakorchilar» Toshkent jamoasiga mustahkam tagzamin qo'yishdi. Ularni samimiyat bilan xotirlaymiz:
Valeriy Lyubushin (1940-2011)
Viktor Naumenko (1940-1995)
Stanislav Stadnik (1940-1998)
Vladimir Tojirov (1940-2011)
Maqsud Sharipov (1940-1985)
Gennadiy Krasnitskiy (1940-1988)
Igor Malinovkiy (1940-1995)
Ulug'bek Qoriyoqubov (1940-2013)
Rival Zokirov (1939-2012)
Shu o'rinda aytish ortiqcha sanalmas, Toshkent jamoasining 1965-1966 va 1969-1970 yillardagi murabbiyi, rossiyalik buyuk mutaxassis Mixail Iosifovich Yakushin agar bugun hayot bo'lganida, 2 noyabr kuni 105 yoshga to'lganini nishonlardi. O'sha yillari Yakushindan tashqari, Aleksandr Keller, Gavriil Kachalin, Boris Arkadev, Evgeniy Eliseev kabi murabbiylar «Paxtakor» ustozi sifatida ishlashgan. Shuningdek, o'sha davr 10 yildan ortiq vaqt davomida «Paxtakor»ga murabbiylik qilgan Evgeniy Borisovich Valitskiy (1929 yil)ni alohida tilga olish joiz. «Paxtakor» futbol maktabida esa, bir necha o'n yilliklar davomida Sergey Artyomovich Arutyunov (1922-2015) bosh murabbiy sifatida mehnat qilgan. Ularning har ikkisi O'zbekistonda xizmat ko'rsatgan murabbiy hisoblanadi.
Umuman, 60-yillarda «Paxtakor» tarkibida quyidagi futbolchilar etarli darajada ko'p o'yin o'tkazishgan: Birodar Abduraimov, Sergey Tazetdinov, Vitaliy Suyunov, Hamid Rahmatullaev, Akmal Azizxo'jaev, Vladimir Shtern, Valeriy Muxin, Vilgelm Qahhorov, To'lagan Isoqov, Viktor Varyuxin, Oleg Motorin, Nikolay Lyubartsev, Bahodir Ibrohimov, Ahrol Inoyatov, Sergey Dotsenko, Vyacheslav Soloxo, Yuriy Belyakov, Vyacheslav Bektoshev, Ravshan Yunusov. Xullas, Toshkentning «Paxtakor» klubi bundan yarim asrdan ko'proq vaqt ilgari buyuk murabbiylar va etuk futbolchilar avlodining ijodiy hamkorligi o'laroq, jahon arenasidagi obro'li jamoalar qatoriga chiqqandi.
Davomi InterFUTBOL gazetasi blogida.
— deya xabar beradi uff.uz nashri.
Eng e'tiborlisi, afsonaviy avlod 1960 yili yorqin nur socha boshlagandi. Vaholanki, o'shanda biz e'tirof etayotgan barcha futbolchilar endi 20 yoshni qarshilagandilar, boz ustiga, «Paxtakor» ham o'zining yorqin yo'li boshida turgandi. Ya'ni sevimli jamoamiz ham endi-endi umume'tirof cho'qqisiga qarab qadam tashlayotgandi. Eng asosiysi, futbol dunyosiga notanish, mahalliy, 20 yoshli yigitlarimiz bir urinishda tan olingan usta futbolchilarga qarshi bahslarda ajoyib qahramonlik ko'rsatish uddasidan chiqishadi. Deylik, jamoamizning sobiq ittifoq oliy ligasidagi 3 yillik ishtiroki davomida «paxtakorchilar»dan engilmagan birorta klub qolmaydi. «Paxtakor» yosh futbolchilari bilan oliy liga miqyosidagi ilk o'yinlardayoq Moskvaning TsSKA (Toshkentda - 3:2) va «Spartak» (safarda - 1:0) klublarini dog'da qoldiradi. Shuningdek, mavsum-60da «Zenit» 2 marta mag'lub etiladi - 2:0 va 3:2, yana Donetskning «Shaxtyor» jamoasi ham 0:2 hisobidagi mag'lubiyatni tan oladi. Keyingi mavsumda esa, Moskva «Torpedo»si ham «Paxtakor» oldida ojiz qoladi - 0:1 va hokazo...
Natijada barcha futbol markazlarida Toshkent jamoasi haqida gapira boshlaydilar. Misol uchun, turli ko'rsatuv-dasturlarda muallif-ijodkorlar «Paxtakor» to'purarlari - Gennadiy Krasnitskiy va Birodar Abduraimovni e'tirof etishadi, markazdagi Krasnitskiy-Stanislav Stadnik bog'lamiga e'tibor qaratishadi va albatta, darvozabon Yuriy Pshenichnikov mahoratini alohida tilga olishadi. Misol uchun, matbuot 1960 yilgi chempionatga baho berar ekan, shunday yozgandi: «1960 yilning 2 may kuni Estoniya poytaxtida O'zbekiston jamoasi ilk marta ko'rinish berdi - noodatiy «Paxtakor» nomi bilan. Yangi klubning tarkibi muxlislarga hech narsani anglatmasdi - Osiyo futboli Evropa hududidagi respublikalar uchun mutlaqo sir sanalardi. O'yinda «paxtakorchilar» hisobni ochishgach, Estoniyaning eng yaxshi jamoasi oliy ligada debyutini nishonlayotgan klubning shiddati va yaxshi ma'nodagi qo'rsligidan biroz gangib ham qoldi. Golni qudratli gavda va shunga yarasha kuchli oyoqlarga ega markaziy hujumchi urgandi. O'shanda Gennadiy Krasnitskiy - bo'lajak afsonaviy to'purarni hech kim tanimasdi».
Endi «Zenit»-«Paxtakor» o'yini uchun chiqarilgan maxsus dasturchaga e'tibor qaratamiz: «Paxtakor» hujumchilari tezkor va shiddatli. Ular raqib darvozasi tomon davomli va shiddatkorona hamla uyushtirishga qodirlar. Ayniqsa, O'zbekiston jamoasining juftlashgan markaziy chizig'i o'ta xavfli - 20 yoshli Gennadiy Krasnitskiy va Stanislav Stadnik».
Xarkov. «Avangard»-«Paxtakor» o'yini. «Paxtakor» hujum chizig'ida 2 nafar futbolchi borki, ular muntazam ravishda o'z raqiblariga ko'p mushkulotlar tug'dirishadi. Gap eng yaxshi to'purarlar ro'yxatini boshqarib borayotgan markaziy hujumchi Gennadiy Krasnitskiy va uning ortida harakatlanadigan Stanislav Stadnik haqida ketyapti. Bu ikki yosh sportchi keng ommaga joriy mavsumdagina tanildi. Ular bir qator o'yinlarda juft holda katta mahorat bilan to'p surishdi».
«Paxtakor» 1962 yili ko'pchilikni hayratga solib, oliy ligada faxrli 6-o'rinni egallaydi. Ya'ni bir qator tan olingan tajribali jamoalardan o'zib ketadi. Moskvada chiqadigan «Futbol» nashri sharhlovchisi Aleksandr Vit shunday yozgandi: «Paxtakor» - bu ham futbol, ham geografiya bobida haqiqiy kashfiyot. U mamlakatni yangi futbol markazi bilan boyitdi. Xullas, bizning futbolda yangi, yaxshi jamoa paydo bo'ldi. Uni hech qanday shubhasiz, birinchi darajali klublar qatoriga qo'shish mumkin. Nafaqat joriy yil turnir jadvalida egallagan o'rni, balki mustahkam o'yini, sportcha barqarorligi nuqtai nazaridan shunday. Zero, «Paxtakor» ko'plab boshqa klublardan farqli o'laroq, boshidan to'g'ri yo'nalish oldi. Xususan, o'z kadrlarini tayyorlash masalasida oqilona yo'l tutyapti».
Bir so'z bilan aytganda, 60-yillardagi «paxtakorchilar» Toshkent jamoasiga mustahkam tagzamin qo'yishdi. Ularni samimiyat bilan xotirlaymiz:
Valeriy Lyubushin (1940-2011)
Viktor Naumenko (1940-1995)
Stanislav Stadnik (1940-1998)
Vladimir Tojirov (1940-2011)
Maqsud Sharipov (1940-1985)
Gennadiy Krasnitskiy (1940-1988)
Igor Malinovkiy (1940-1995)
Ulug'bek Qoriyoqubov (1940-2013)
Rival Zokirov (1939-2012)
Shu o'rinda aytish ortiqcha sanalmas, Toshkent jamoasining 1965-1966 va 1969-1970 yillardagi murabbiyi, rossiyalik buyuk mutaxassis Mixail Iosifovich Yakushin agar bugun hayot bo'lganida, 2 noyabr kuni 105 yoshga to'lganini nishonlardi. O'sha yillari Yakushindan tashqari, Aleksandr Keller, Gavriil Kachalin, Boris Arkadev, Evgeniy Eliseev kabi murabbiylar «Paxtakor» ustozi sifatida ishlashgan. Shuningdek, o'sha davr 10 yildan ortiq vaqt davomida «Paxtakor»ga murabbiylik qilgan Evgeniy Borisovich Valitskiy (1929 yil)ni alohida tilga olish joiz. «Paxtakor» futbol maktabida esa, bir necha o'n yilliklar davomida Sergey Artyomovich Arutyunov (1922-2015) bosh murabbiy sifatida mehnat qilgan. Ularning har ikkisi O'zbekistonda xizmat ko'rsatgan murabbiy hisoblanadi.
Umuman, 60-yillarda «Paxtakor» tarkibida quyidagi futbolchilar etarli darajada ko'p o'yin o'tkazishgan: Birodar Abduraimov, Sergey Tazetdinov, Vitaliy Suyunov, Hamid Rahmatullaev, Akmal Azizxo'jaev, Vladimir Shtern, Valeriy Muxin, Vilgelm Qahhorov, To'lagan Isoqov, Viktor Varyuxin, Oleg Motorin, Nikolay Lyubartsev, Bahodir Ibrohimov, Ahrol Inoyatov, Sergey Dotsenko, Vyacheslav Soloxo, Yuriy Belyakov, Vyacheslav Bektoshev, Ravshan Yunusov. Xullas, Toshkentning «Paxtakor» klubi bundan yarim asrdan ko'proq vaqt ilgari buyuk murabbiylar va etuk futbolchilar avlodining ijodiy hamkorligi o'laroq, jahon arenasidagi obro'li jamoalar qatoriga chiqqandi.
Davomi InterFUTBOL gazetasi blogida.
— deya xabar beradi uff.uz nashri.
Bosh sahifaga
498