Ona Vatanimiz Istiqlolga erishgandan so'ng o'tgan davr mobaynida muzaffar bayrog'imiz birgina mardonavor sportchilarimizning g'alabalari sharafiga Olimpiada hamda Osiyo o'yinlarida, jahon va qit'a chempionatlarida, shuningdek, turli darajadagi yirik xalqaro turnirlarda bir necha marotabalab sarbaland ko'tarildi. Vatanimiz bayrog'ini dunyoning eng baland nuqtasi Everest cho'qqisida hilpiray boshlaganiga ham qariyib yigirma yil bo'ldi.
Vatanga muhabbat, to'g'ilib o'tgan ona yurtga sodiq farzand bo'lish barchamizning muqaddas burchimiz. G'olib sportchilarimiz shoxsupaga ko'tarilib, O'zbekiston bayrog'i sarbaland ko'tarilganida, ana shu voqeilikni bevosita yoki bilvosita kuzatib turgan har bir vatandoshimiz qalbida faxr va iftixor tuyg'ularini yanada jo'sh uradi. Mana shunday muqaddas zaminda yashayotganligiga shukronalar aytadi. 1994 yili Xirasimada bo'lib o'tgan Osiyo o'yinlarida futbol bo'yicha O'zbekiston terma jamoasining g'alabasidan so'ng, mohir hujumchimiz Shuhrat Maqsudovni Davlatimiz bayrog'ini baland ko'targanicha faxr va g'urur bilan stadion uzra olib o'tganida yoki bo'lmasa dunyo tomi Everestda muzaffar bayrog'imizni hilpiray boshlaganida ich-ichimizdan quvongan, xursandchilikdan ko'zlarimiz quvonch yoshlariga to'lgandi.
Maqola bilan O'zbekiston Milliy Olimpiya Qo'mitasi rasmiy saytida to'liq tanishib chiqishingiz mumkin.
— deya xabar beradi uff.uz nashri.