Xabaringiz bor, Qatar poytaxti Doxa shahridagi "Ali Bin Hamad Al Attiya Arena" sport majmuasida boks bo'yicha XVIII jahon chempionati start oldi. Mazkur nufuzli musobaqada yurtimiz sharafini to'qqiz nafar bokschimiz himoya qilmoqda. Umuman turnirda dunyoning 74 davlatidan 260 nafar charm qo'lqop ustalari ishtirok etmoqda. Hamyurtlarimiz turnirdagi ilk bahslarni g'alaba bilan boshlashdi.  56 kg gacha bo'lgan vazn toifasida Murodjon Ahmadaliev ilk ishtirokini Francheska Maettaga (Italiya) qarshi o'tkazib, 3:0 hisobida g'alaba qozondi. -75 kg vazn toifasida ringga ko'tarilgan Bektemir Meliqo'ziev gruziyalik Kvachatadze Zaalni nokautga uchratishga muvaffaq bo'ldi.   Bugun bo'ladigan janglarda Elnur Abduraimov, Elshod Rasulov  va Bahodir Jalolovlar ringga ko'tarilishadi.
— deya xabar beradi uff.uz nashri.