“Bunyodkor” yoshlari so'nggi turida “Qo'qon-1912”ni 4:0 hisobida mag'lubiyatga uchratib, 2015 yilgi yoshlar birinchiligi g'olibi bo'ldilar. Uchrashuv nihoyasiga etgach, “Bunyodkor” yoshlari ustozi Hikmat Ergashevning mavsum yakunlari bo'yicha fikrlari bilan qiziqdik.
- Shukrki, uzoq va qiyin o'tgan Klub raxbariyati bizga g'oliblik vazifasini yuklagandi. Jamoadagi barcha hamjihatlikda ishlab, ko'zlangan maqsadga erishdik. Vazifani bajarganimizdan xursandmiz.
Umuman olganda, yoshlar birinchiligi juda qiziq musobaqa, desam mubolag'a bo'lmaydi. Chunki bu turnirda barqaror o'yin namoyish etish juda qiyin. Shuning uchun ham musobaqa jadvalida goh biz, goh “Paxtakor” peshqadam bo'lib yurdi. Bizning bosh maqsadimiz – asosiy tarkibga munosib bo'lgan futbolchilar etkazib berishdir.
Yil davomida o'tkazgan o'yinlarimizni asosiy jamoa murabbiylari kuzatib borishdi. O'ylaymanki, yangi mavsumda yoshlar tarkibidan bir nechta futbolchilar asosiy jamoaga qo'shiladilar. Yoshlar ligasi turniri saviyasi haqida gapiradigan bo'lsam, ba'zi uchrashuvlar shuni ko'rsatib berdiki, bu turnir birinchi ligadan kuchsiz emas, - deydi Hikmat Ergashev.
— deya xabar beradi uff.uz nashri.