"Chelsi" klubi sobiq hujumchisi Dide Drogba londonliklar boshqaruvida Luish Felipe Skolari ishlagan 2008-2009 yilgi mavsumda braziliyalik murabbiy uni sotib yuborishni va o'rniga o'z hamyurti Adrianoni olib kelishni istaganini aytib o'tdi.
"Skolari bilan bu borada gaplashib bo'lib, kabinetidan chiqqanimdan so'ng birinchi navbatda Abramovichga qo'ng'iroq qildim. Uning yordamchilaridan biri orqali vaziyatga oydinlik kiritdim.
Qo'ng'iroqqa javoban: "Yo'q, sen hech qaerga ketmaysan. Umuman, bu haqida kim gapirdi o'zi senga?" deyishdi. Shundan so'ng jamoada qoldim", - deydi Drogba.
Eslatib o'tamiz, Adriano 2009 yilda "Inter"dan ketgan va shundan so'ng faqat bir mavsum "Flamengo"da yuqori saviyada to'p surgan edi. Keyinchalik intizom va jismoniy tayyorgarlik bilan bog'liq muammolar tufayli faoliyatini butkul barbod qildi. Adriano 33 yoshida faoliyatini yakunlagan. Drogba esa hamon yuqori saviyada o'ynab kelmoqda.
— deya xabar beradi uff.uz nashri.