“Bunyodkor”- “Qo'qon-1912” jamoalari o'rtasidagi o'yindan keyingi matbuot anjumanining ikkinchi qismida “Bunyodkor” jamoasi boshlig'i Baxtiyor Boboev qatnashdi.
– Mavsumdagi so'nggi o'yin edi. Shu bois, yigitlarga mavsumni chiroyli o'yin bilan yakunlashni yuklagandik. Ayniqsa, ko'proq gol urib, muxlislarni xursand qilish kerakligini uqtirgandik. Buni bajardik deb o'ylayman.
– Keyingi mavsumga tayyorgarlikni 14 dekabr kunidan boshlaymiz. Bizdagi shijoat juda kuchli. Yoshlarimizning kelajagi porloq.
– Mavsum olidan asosan yoshlarni jamoaga maslashtirish edi va tabbiiki chempionlik va kubokni yutishni maqsad qilgandik.
– Rejaga ko'ra, dekabr oyida Toshkentda, yanvar oyida BAAda shug'ullanamiz. Keyin OChL pley-offi boshlanadi.
– Kelasi mavsum “Bunyodkor” bemalol chempionlik uchun kurashadi. Ammo har doim ham o'ylangan reja amalga oshavermaydi. Ha, to'g'ri xatolarimiz ham bor. Ulardan to'g'ri xulosa chiqaramiz.
– Jamoamizda jismoniy tayyorgarlik bo'yicha murabbiy bo'lib ishlagan Avgustin Kiritsaning faoliyatidan qoniqdik. U haqiqiy ruhshunos.
– “Bunyodkor” terma jamoa uchun har doim yordam berishga tayyor. Yanvar oyida olimpiada saralashi boshlanadi. Biz buni inobatga olamiz.
— deya xabar beradi uff.uz nashri.